1 мин

Өнөөдөр 14.00-17.00 цагт хотын Захирагч Д.Сумъяабазар утсаар иргэдийн асуултад хариулна

У.Чинзориг 2022.05.16

2

Ерөнхий сайдын ажлын албаны дэргэдэх Иргэд, олон нийттэй харилцах "11-11" төвд өнөөдөр 14.00-17.00 цагийн хооронд Нийслэлийн Засаг дарга бөгөөд, Улаанбаатар хотын Захирагч Д.Сумъяабазар ажиллахаар болжээ. Энэ үеэр хотын удирдлагууд иргэдийн асуултад хариулж, мэдээлэл өгөх аж. Иймд та бүхэн Нийслэлийн Засаг дарга Д.Сумъяабазараас утсаар болон цахимаар, мөн биечлэн очиж, сонирхсон асуултдаа хариулт авах боломжтой.

Энэ оны нэгдүгээр сард Засгийн газрын тогтоолоор “11-11” төвийг Ерөнхий сайдын Ажлын албанд шилжүүлсэн билээ. Харин өнгөрсөн сард Ерөнхий сайд “11-11” төвийг хурдан, шуурхай ажиллуулж, долоо хоног бүр иргэдийн асуудлыг хэрхэн шийдвэрлэсэн тухай тайлагнаж байхыг холбогдох албан тушаалтнуудад үүрэг болгосон юм. Улмаар Засгийн газрын гишүүд долоо хоног бүр "11-11" төвд ажиллаж иргэдийн санал гомдлыг сонсож, шийдвэрлэж буй билээ.
 

У.Чинзориг 2022.05.16

2