Цагдаагийн постон доор "Чаддаг юм бол намайг бариарай" гэж бичээд баривчлагджээ
АНУ-ын Цагдаагийн газрын гэмт хэрэгтнийг эрэн сурвалжилж буй фэйсбүүк постон доор өөрөө өөрийгөө илчлэн "Чаддаг юм бол намайг бариарай" гэж бичсэн эр баривчлагджээ. Жордан Керр гэх эр бусдыг гудамжинд харгис хэрцгийгээр айлган сүрдүүлсэн хэргээр эрэн сурвалжлагдаж байсан ч цагдаа нар түүнийг барьж чадалгүй багагүй хугацаа өнгөрөөд байжээ.
Цагдаа нар түүнийг баривчлаад "Жилийн өмнө өөрийнхөө эрэн сурвалжлагдаж буй постон доор "Чаддаг юм бол намайг бариарай" гэж бичсэн Жордан Керр сошиал сүлжээнд багагүй дуулиан тарьж байсан ч өнөөдөр баривчлагдлаа. Тэр 8 жил хорих ял эдлэх болно. Хэрэгтнүүд биднээс холдохгүй" гэх утгатай пост оруулжээ.
Хэрэгтэн "Catch me if you can" алдарт киноноос сэдэвлэн ийн өөрийгөө баригдахгүй хэмээн бодож бичсэн ч цагдаа нар чадварлагаар баривчилж чадсан нь олны талархлыг хүлээгээд байна.
Эх сурвалж: NDTV
BOOOMER 2022.05.17 202.131.225.20
Surengui bi: https://www.youtube.com/watch?v=G3-jWRbc3Uw
0 0 Хариулах