1 мин
Ж.Чулуунбат 2012 оны олимпод V байр эзэлснийг батламжиллаа
Чөлөөт бөхийн ОУХМ Ж.Чулуунбат “Лондон-2012” олимпод амжилттай барилдан 120 кг-ын жинд VII байрт шалгарсан билээ. Гэхдээ уг жинд түрүүлсэн Узбекистаны А.Таймазовоос допинг илэрсэн тул алтан медалиа хураалгаж, түүний ард жагссан бөхчүүд байр ахисан юм.
Олон улсын олимпын хорооноос Ж.Чулуунбатыг 2012 оны олимпод шагналт V байрт шалгарсаныг илтгэж батламж ирүүлснийг энэ сарын 23-ны өдөр явагдсан Үндэсний олимпын хорооны гишүүдийн хурлын үеэр гардуулж өгчээ. Мөн түүний спорт, олимпизмын үйл хэрэгт оруулсан хувь нэмрийг үнэлэн МҮОХ-ны “Алтан очир” одонгоор давхар шагнасан аж.