1 мин

Хөлбөмбөгийн 17 хүртэлх насны охидын шигшээ 0:0-ээр Сингапурын багтай тэнцлээ

У.Чинзориг 2022.05.26

Европын хөлбөмбөгийн холбоо болон Монголын хөлбөмбөгийн холбооноос хамтран зохион байгуулж буй "UEFA Assist" 17 хүртэлх насны олон улсын охидын тэмцээн энэ сарын 24-нд Улаанбаатар хотноо эхэлсэн билээ. Тус тэмцээнд Малайз, Сингапур, Узбекистан, Монгол улсын шигшээ багууд оролцож байна.

Монгол Улсын шигшээ баг эхний тоглолтоо Узбекистаны эсрэг хийж үндсэн цагт 8:1 үр дүнгээр хожигдоод байв. Харин өнөөдөр тэмцээний хоёр дахь тоглолтоо Сингапуртай хийж, 0:0-ээр гоолгүй тэнцлээ. Ийнхүү тэд уг тэмцээнээс анхны оноогоо авч байна. Монгол Улсын шигшээ баг хэсгийн сүүлийн тоглолтоо энэ сарын 28-нд Малайзын шигшээ багтай хийх юм.