1 мин

Техасын их сургуульд "Харри Стайлс судлал"-ын хичээлийг сонгон үзэх боломжтой болжээ

О.Анхзаяа 2022.07.20

Дуучин, жүжигчин Харри Стайлсын шинэ дуу хөгжим, шинэ дүрүүдэд үргэлж автаж, маш ихээр хайрладаг фэнүүдэд нь дуулгах сайхан мэдээ байна.

Техасын их сургуулийн нэгэн багшийн жиргээ яг одоо олны анхаарлыг татаад байна. Учир нь тэрээр "Harry Styles and the Cult of Celebrity" гэх хичээлийг заах болсноо мэдэгджээ.

Стайлсын соло цомгууд болон One Direction хамтлаг, мөн түүний кино бүтээлүүд "Dunkirk", "Eternals" болон удахгүй нээлтээ хийх "Don't Worry Darling", "My Policeman", түүний хувцас загвар гээд олон сэдвийн хүрээнд ярих зүйлтэй байх нь ээ.

Нэг ангийн сурагчдын тоо 20 байх бөгөөд цөөн байх тусам яриа өрнүүлж, хичээлийг сонирхолтой, нухацтай ороход давуу тал болно гэж үзжээ. Маш олон хүн сонирхож байгаа учраас тус хичээлийг цаашид улам олон хүнд хүргэх талаас нь арга хэмжээ авахаа ч тэд амлажээ.