1 мин

Жонни Депп зурсан зургуудаа хэдхэн цагийн дотор 3 сая фунтээр арилжжээ

Ub.life 2022.07.29 3 2

4

Жүжигчин Жонни Депп өөрийн зурсан анхны уран зургийн цуглуулгаа худалдахаар болсон тухайгаа инстаграм хуудсандаа мэдэгдсэнээс хойш хэдхэн цагийн дотор худалдаж, 3 сая фунт стерлингийн ашиг олжээ.

Түүний нэг ширхэг зураг ойролцоогоор 3950, дөрвөн зургийн багц 14950 фунт стерлингийн үнэ хүрсэн бөгөөд нийт 780 ширхэг зураг Castle Fine Art галерейгаар дамжин зарагдсан байна. 

Жонни Деппийн "Найзууд ба баатрууд" цуглуулга нь Роллинг Стоун Кит Ричардс, жүжигчин Элизабет Тейлор, Аль Пачино, Боб Дилан зэрэг түүнд урам зориг өгсөн хүмүүсийг дүрсэлсэн зургуудаас бүрджээ. Энэ талаар тэр "Би үргэлж урлагаар дамжуулан мэдрэмжээ илэрхийлдэг байсан...Гэхдээ би зурсан зургуудаа өөртөө хадгалж, өөрийгөө хязгаарласаар ирсэн. Үнэндээ, хэн ч, хэзээ ч өөрийгөө хязгаарлаж болохгүй" гэж ярьжээ. 

Castle Fine Art галерей Жонни Деппийн бүтээлүүдийг худалдахаар эртнээс ярилцаж байсан бөгөөд цаашид түүний зургийн үзэсгэлэнг гаргах, бусад ажлуудыг зохион байгуулахаар төлөвлөж байгаа аж. 

Үүний өмнөхөн Жонни Депп өөрийн дотны найз нөхөд, баатруудынхаа дүрийг харуулсан Never Fear Truth нэртэй токен (NFT)-ыг худалдаж олсон 660,000 фунт стерлинг (800,000 доллар)-ийг буяны үйлсэд хандивласан билээ. 

Эх сурвалж: BBC

Ub.life 2022.07.29

4