Ачаандаа McDonald's-ийн хоёр сэндвич нуусан иргэнийг 1874 ам.доллароор торгожээ
Индонез улсаас Австрали руу нисэхдээ ачаандаа байсан McDonald's-ийн өглөөний цайны бургер маягийн хоёр ширхэг сэндвичийг мэдүүлэлгүй нуусан иргэнийг 1,874 ам.доллароор торгожээ.
Индонез улсад шүлхий өвчний дэгдэлт ихсэж, олон улсын жуулчдын ихээр цугладаг Бали аралд тархсан тул Австралийн эрх баригчид био аюулгүй байдлын тухай шинэ хатуу журам гаргасан нь энэ юм.
Уг журамд улсын хилээр аливаа төрлийн түргэн хоол, хүнсний бүтээгдэхүүн тээвэрлэхийг хатуу хоригложээ. Австралийн Хөдөө аж ахуйн яамны сайд Муррай Ватт "Бали руу нисэх онгоцны тасалбараас хоёр дахин үнэтэй энэ торгууль хоёр талханд ногдуулж буй хамгийн өндөр торгууль боллоо. Гэхдээ улсын нийт иргэдийн эрүүл ахуй, аюулгүй байдлын төлөө бид чадах бүхнээ хийх ёстой" гэжээ.
Өнгөрсөн сард гоц халдварт өвчин тархсаны дараа Австралийн гүйцэтгэх захиргаа 9.8 сая ам.долларыг олон улсын нисэх онгоцны буудлуудад ариутгал хийх, био аюулгүй байдлыг хангах үүднээс хүнсний бүтээгдэхүүн илрүүлэх сургуулилттай нохой зэргийг бэлтгэхэд зарцуулжээ.
Эх сурвалж: Today