"Гүнээсээ хайрлая" уран бүтээлийн феллов хөтөлбөр зарлагдлаа
Газрын доорх усыг олон нийтэд таниулах, ач холбогдлыг сурталчлах "Гүнээсээ хайрлая" мэдээллийн аяныг Усны газар, Гидрогеологчдын холбоо, Галба-өөш Долоодын говь сав газрын захиргаа, МУШИС-ГУУС, Гидрогеологийн тэнхимтэй хамтран зохион байгуулж байна. Энэхүү аяны хүрээнд “Гүнээсээ хайрлая" уран бүтээлийн феллов хөтөлбөр мөн зарлагдлаа.
“Гүнээсээ хайрлая" уралдаант феллов хөтөлбөр нь контент бүтээгчид, сонирхогчид, уран бүтээлчид, оюутан залуусын дунд нээлттэй зохион байгуулагдана. Эх дэлхий, амьдралын ундарга болсон усаа хайрлах, тэр дундаа газрын доорх гүний усны үнэ цэнийг ойлгуулах зорилго бүхий энэхүү уралдаант хөтөлбөрт нийтлэл, фото зураг болон график дизайны төрлөөр оролцох боломжтой.
“Гүнээсээ хайрлая” феллов хөтөлбөрийн хугацаанд газрын доорх, гүний усны талаар туурвих уран
бүтээлд шаардлагатай мэдлэг, мэдээлэл, ур чадвар олгох сургалт, уулзалтуудад хамрагдах бөгөөд
усны чиглэлээр менторууд оролцогчдын уран бүтээлд мэргэжлийн зөвлөгөөг өгнө.
Хөтөлбөрийн төгсгөлд сонгогдсон уран бүтээлчдийн нэгдсэн медиа үзэсгэлэнг олон нийтэд
нээлттэй зохион байгуулах бөгөөд оролцогчдын бүтээлээс 1, 2, 3-р байрыг мөн шалгаруулах юм. Харин нийт шагналын сан 24 сая төгрөг ажээ.
Хөтөлбөрт хамрагдах хүсэлтэй хүмүүсийг IX сарын 15-аас X сарын 1-ний өдрийг хүртэлх хугацаанд бүргэх бөгөөд та ЭНД дарж бүртгүүлэх боломжтой юм.