2 мин

Playlist | Хүн бүрийн төдийлөн мэддэггүй ховор содон хөгжмийн 10 УРСГАЛ

Г.Сүрэн 2022.11.17

Рок, жазз, техно, поп, метал, сонгодог, R&B, электроник, хип хоп гээд л олон хөгжмийн урсгалыг бид мэднэ. Харин дэлхий дахинаа шинээр гарч ирээд буй ховор бөгөөд сонин содон дараах хөгжмийн урсгалуудыг сонирхоцгооё.

1. lowercase

Анх 2001 онд АНУ-ын визуал артист Стивен Роден орчин үеийн хөгжмийн экстрим минимал хэлбэрийн урсгалыг бүтээн ийн жижиг үсэг бүхий үгээр нэрлэжээ.

2. Glitch hop

Lo-fi маягийн техникийг "glitch aesthetic"-тэй хослуулан хип хоп урсгалаар туурвих энэхүү төрлийн гол төлөөлөгчид нь Prefuse 73, Flying Lotus зэрэг артист юм.

3. Folktronica

Олон хүн энэ урсгалыг "бүдүүлэг" дуугаралттай хэмээдэг ч үнэнч сонсогчид нэмэгдсээр байна. Электроник болон фолк хөгжмийг нэгтгэсэн ч аль алинд нь үл хамаарах урсгал.

4. Black MIDI

Цөөн сонсогчдийн хүрээллээсээ гадуур төдийлөн танигдаагүй энэ урсгал нь олон мянга, сая, заримдаа бүр тэрбумаар тоологдох нотуудын нэгдэл юм.

5. Vaporwave

1990-ээд ны эхээр уран бүтээлчид "muzak", "new wave", "chillwave" зэрэг микро урсгалуудаас санаа аван япон ханз бүхий нэр, пастел өнгийн загвар бүхий шийдлээр энэ урсгалыг бүтээжээ.

6. Cloud rap

"Үүлэн" хэмээн нэрлэснээр рэп боловч мөрөөдлийн мэт инди уур амьсгалыг энэ урсгалд шингээжээ.

7. Simpsonwave

"The Simpsons" цувралаас сэдэвлэсэн бүтэн хөгжмийн урсгал байна гээд бод доо? Цувралын дүрслэлийг ашиглан 1990-ээд оны хэв маяг, Tumblr өнгөнүүд, электроник болон шинэлэг хөгжмүүдээр бүтээсэн энэхүү урсгал нь микро урсгалд тооцогдоно.