1 мин

Тата Мартино: Шүүгчийн сүүлийн шүгэл дуугарахад миний гэрээний хугацаа дуусгавар боллоо

У.Чинзориг 2022.12.01 1

2

Хөлбөмбөгийн дэлхийн АШТ-ий хэсгийн сүүлийн тоглолтууд явагдаж, хасагдах шатнаа өрсөлдөх багуудын нэрс эхнээсээ тодорч байна. 

"С" хэсгийг Аргентин тэргүүлж, Польш болон Мексикийн шигшээ багууд оноо тэнцэн, гоолын зөрүүгээр Польш хасагдах шатнаа тоглох эрхтэй болов.

Харин Мексикийн шигшээ баг шөвгийн 16-д шалгарч чадаагүй тул ахлах дасгалжуулагч Жерардо "Тато" Мартиногийн гэрээг цуцалжээ. Тэд 44 жилийн дараа дэлхийн АШТ-ийг хэсгийн шатнаас өндөрлүүлж байгаа юм. Нэн ялангуяа 1994-2018 оны хооронд тасралтгүй долоон дэлхийн аваргад Мексик хэсгээсээ шалгаран хасагдах шатанд өрсөлдсөн билээ. Мартино тоглолтын дараагаар "Шүүгчийн сүүлийн шүгэл дуугарахад миний гэрээний хугацаа дуусгавар боллоо. Энэ бүтэлгүйтлийн бүх хариуцлагыг би хүлээнэ" хэмээн өгүүлжээ.

Өдгөө 60 настай Тата 2019 оноос хойш Мексикийн шигшээ багийн ахлах дасгалжуулагчаар ажиллаж байгаа юм. 

У.Чинзориг 2022.12.01

2