Ричарлисон: Сон, та ард түмнийхээ баатар
Хөлбөмбөгийн дэлхийн АШТ-ий шигшээ наймд өрсөлдөх багуудын нэрс өнгөрсөн шөнө тодров.
Хасагдах шатнаа Өмнөд Солонгосын шигшээ багийг 4:1-ээр хожиж, энэ шатанд шалгарсан Бразилын довтлогч Ричарлисон твиттер хуудаснаа Солонгосын багийн "од" Сон Хён Минд хандан "Таныг дэлхийн АШТ-д тоглохын тулд хичнээн их тэмцсэнийг би батална, тийм учраас та ард түмнийхээ баатар шүү, Сон" хэмээн бичжээ.
Аваргуудын лигийн хүрээнд Марсельтэй тоглохдоо зүүн нүднийхээ ухархайн ясыг бэртээж мэс засалд орсон Соныг дэлхийн АШТ-ийг өнжих магадлал өндөр гэж байсан ч, тэрээр масктайгаар тоглож, шигшээ баг нь хэсгээсээ шалгарсан билээ.
Харин Ричарлисон хэсгийн шатнаа дэлхийн АШТ-ийг чимсэн гоёмсог гоолыг оруулаад буй юм. Тэрээр гэр бүлийнхээ хамтаар Титегийн унших нэрсийн жагсаалтыг залбирч чагнасан бөгөөд өөрийнх нь нэрийг дуудсан даруйд ихэд баярласан. Учир нь Тите түүнийг багтаа тоглуулахын тулд "Би хэзээ ч бэртэлтэй тоглогч сонгож эрсдэл гаргахгүй" хэмээн ам алдсан үгээ зөрчихөд хүрсэн юм. Харин Ричарлисон түүний итгэлийг дааж, Фирминогийн оронд Катарт ирснийхээ хэргийг бүтээж одоогоор гурван гоолыг оруулаад байна. Бразилчууд дараагийн шатнаа Хорваттай тоглоно.