"The Last of Us" тоглоомоос сэдэвлэгдсэн хамгийн шилдэг цувралаар нэрлэгдэж байна
Playstation-ийн алдарт тоглоом болох "The Last of Us"-аас сэдэвлэгдсэн HBO-ийн цувралын эхний анги цацагдаад байгаа билээ. Гол дүрд Педро Паскал, Белла Рамси нар тоглосон нь жүжигчний ур чадвар талаас ч маш зөв сонголт болж чаджээ.
BBC сайт болон бусад томоохон мэдээллийн сайтуудаар энэхүү бүтээлийг тоглоомоос сэдэвлэсэн ХАМГИЙН ШИЛДЭГ кино хэмээн нэрийдээд байгаа юм. Зохиол сайн, мундаг жүжиглэлт, бодит мэт продакшн гээд энэ оныг үнэхээр шуугиантайгаар эхлүүлж байна.
Empire Magazine-ийн зүгээс мөн 5 од өгч, хамгийн өндөр үнэлгээг авах ёстой бүтээлүүдийн нэг хэмээжээ.
Эхний анги 1 сарын 15-нд гарсан бөгөөд 3 сарын 12 хүртэл долоо хоног бүрийн ням гарагт шинэ анги нэмэгдэх аж.