1 мин

Энэ амралтын өдрүүдэд Хар-Ус нууранд "Мөнгөлөг шагшуурга" цас мөсний баяр болно

У.Чинзориг 2023.01.20

Засгийн газраас 2023-2025 оныг “Монголд зочлох жил” болгон зарласан билээ. Үүний хүрээнд Хар-Ус нуурын цогцолборт “Мөнгөлөг шагшуурга" цас мөсний баярыг 1-р сарын 21-22-ны өдрүүдэд зохион байгуулах юм.

Тус үйл ажиллагааны үеэр угсаатнуудын баярын жагсаал, монгол туургатны “Мөсөн сур”-ын харваа, монгол шагайн наадгай, мөсний барилдаан, “Ice drift” уралдаан, бүргэдийн үзүүлбэр, “Тэмээчин”, “Адуучин” тэмцээн зэрэг цогц арга хэмжээнүүд зохион байгуулагдана. Мөн ардын урлагийн “Хөсөгтөн хамтлаг” тус үйл ажиллагааг тохиолдуулан Ховд аймагт энэ сарын 19-20-ний өдрүүдэд тоглолтоо хийх юм.

Түүнчлэн 600.000₮ төгрөг төлөөд UBCab алфарт автомашинаар уг үйл ажиллагаанд очоод, ирэх боломжтой ажээ. Үүнд, Улаанбаатар Хотоос Ховд орох, буцах зардал, мөсний баяр болох дөрвөн өдрийн турш Ховд аймгийн төвөөс мөсний баяр болон Хар-Ус нуур луу ирж, очих зэрэг зардлууд багтсан байна.