1 мин
“Лестер” эзэнтэйгээ салах ёслол хийлээ
“Чи бүтэшгүй мөрөөдлийг биелүүлж өгсөн. Баярлалаа, чамайг хэзээ ч мартахгүй”
М.Сугар-Эрдэнэ
40 
31 
8 
Английн хөлбөмбөгийн “Лестер” багийн эзэн, Тайландын тэрбумтан Вичай Шривадханапрабхагийн нисдэг тэрэг “Лестер”, “Вест хэм” багуудын тоглолтын дараа сүйрсэн талаар бид мэдээлсэн билээ. Тус сүйрлээр Вичай охины хамт амь үрэгдсэн.
Өчигдөр “Лестер” баг эзэнтэйгээ салах ёс гүйцэтгэлээ.
Дасгалжуулагч Клод Пюэлт тэргүүтэй багийн бүх тоглогчид “Кинг Пауэр” цэнгэлдэхдээ ирсэн.
Тэрбумтны хүү Айяватт болон гэргий Аймон нар талбайн голд дурсгалын цэцэг тавьсан.
Дараа нь Айяватт багийн бүх тоглогчийг тэвэрсэн. Шинжээчид түүнийг аавынхаа оронд багийг удирдана гэж таамаглаж байна.
Осол болсон газарт дурсгалын самбар босгожээ.
Цэнгэлдэхэд болсон ёслолын дараа тоглогчид дурсгалын самбар дээр ирсэн. Тэд балиашгуудын хамт 5 минут чимээгүй зогсож, хүндэтгэл үзүүлсэн.
Самбар дээрх маш олон тооны захиан дээр талархлын үгс зурайж байв. “Чи бүтэшгүй мөрөөдлийг биелүүлж өгсөн. Баярлалаа, чамайг хэзээ ч мартахгүй” гэж нэгэн захиан дээр бичсэн байлаа.
“Лестер”-ийн тоглогч асан Рияд Марез өчигдөр “Манчестер сити” багийн ялатын гоолыг оруулаад тэнгт залбиран, Вичайд зориулсан юм.
Өнөөдөр болох байсан Английн Цомын тоглолтыг цуцалсан. Харин Бямба гарагт болох “Кардифф”-тай хийх тоглолт хэвийн явагдах юм.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа