Хайх зүйлээ бичнэ үү

2 мин

Ажлын бус цагаар мэйл бичсэн ажилтныг хүний нөөцдөө мэдэгдсэн байжээ


Олон улсад илүү цагаар ажиллах, ажил ба хувийн амьдралын тэнцвэрт байдлыг хадгалах тухай асуудлыг чухалчилж үздэг болсон. Ялангуяа Франц улсад ажил, амьдралыг зааглах тухай ойлголт, соёл сайн төлөвшсөн байдаг талаар Шарон Ау хэмээх эмэгтэй ярьжээ. 

Тэрбээр өмнө нь Сингапурт жүжигчин, хөтлөгчөөр ажилладаг байсан бөгөөд жил гаруйн өмнө Франц руу шилжин суурьшсан аж. Шарон Ау саяхан Хятадын радио сувагт ярилцлага өгөхдөө өөрт тохиолдсон нэгэн явдлын талаар хуваалцсан байна. 

Ажилд орсон эхний долоо хоногтоо тэрбээр хамт ажилладаг хүн рүүгээ оройн 8 цагт мэйл бичиж үлдээжээ. Гэтэл уг ажилтан мэйлийг скрин шот хийж, хүний нөөцийн албандаа мэдэгдсэний дагуу Шаронд анхааруулсан байна. Гурван сарын дараа тэрбээр хамт ажилладаг өөр нэг хүн рүү оройн 11 цагт мессеж бичсэн тул хүний нөөцийн ажилтан дахин түүнтэй уулзжээ. Шарон дараа өдөр нь 08:30 цагт уулзалттай байсан тул материалаа бэлдэхийг түүнд сануулахыг хүссэн аж. Гэвч хамтран ажиллагч нь үүнийг үл хайхран, мессежийг скрин шот хийж хүний нөөцийн албандаа мэдэгдсэн гэнэ. 

Шарон Ау

Харин хүний нөөцийн албаны ажилтан Шаронд ажлын бус цагаар ажиллахгүй байхыг сануулаад, цагийг сайхан өнгөрүүлэхийг уриалж, киноны тасалбар хүртэл өгсөн тухай тэрбээр ярилцлагадаа дурджээ. 

Франц улс долоо хоногт дээд тал нь 35 цаг ажиллах (ихэнх улс ажлын 40 цагтай) журамтай байдаг бөгөөд Хөдөлмөрийн хуульдаа ч үүнийг нарийн тусгаж, чанд мөрддөг гэдгийг Шарон онцлон хэлжээ. 

Дашрамд дурдахад, Хятадад "996" гэж томьёолдог ажлын зарчим буюу долоо хоногийн зургаан өдөр, 09:00-21:00 цаг хүртэл ажиллах хуваарийг (долоо хоногт 66 цагт ажиллана гэсэн үг) олон компани дагаж мөрдсөөр ирсэн ч сүүлийн жилүүдэд эл соёлыг өөрчлөхөөр хичээж байна. 

Харин Японд илүү цагаар ажилласнаас үүдэлтэй стресс, ядаргаа, амиа хорлолт нэмэгдэх хандлагатай болсон тул бизнесийн байгууллагууд, Засгийн газраас шат дараатай арга хэмжээ авч буй. Энэ талаар бид өмнө нь мэдээлж байсан билээ. 

холбоотой мэдээ
1
12 цагийн өмнө
Канад жуулчин дэлхийг тойрон аялах гэж хураасан бүх мөнгөө Филиппин эмнэлэгт хандивлажээ
2
Уржигдар
Энэтхэгийн сошиал медиаг байлдан дагуулсан вайрел зурагны бодит түүх
3
4 өдрийн өмнө
Хоёр өөр амьдралыг нэг зурагт багтаасан "хамгийн хүчирхэг" 24 гэрэл зураг
санал болгох
1
14 цагийн өмнө
Эмх цэгцгүй хүмүүс маш бүтээлч байдгийг батлах 6 баримт
2
16 цагийн өмнө
Ажлын байрны дарамтыг зөвхөн бэлгийн дарамтаар хязгаарлахгүй
3
17 цагийн өмнө
Японы өвөл цагийг мэдрүүлэх "кино шиг" 23 гэрэл зураг

Энэ мэдээнд өгөх таны сэтгэгдэл?
1
1
0
0
0
2
0
0

Сэтгэгдэл бичих (2)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Зочин 2019.10.16 202.179.8.195

Ажилтнуудаа 8:30-д ажилдаа ирсэн байхыг шаарддаг хэрнээ өөрөө үд өнгөрөөж ажилдаа ирдэг, орой 18 цагт явах гэхээр байж байгаарай, чамаар хийлгэх юм бий шүү гээд суулгаад байдаг захирал байж л байна. 300 доллар өгч байгаагаа аймаар их мөнгө өгөөд зүгээр тэжээгээд байна гэж боддог бололтой билээ.

0 Хариулах


зочин 2019.10.15 66.181.161.20

монголд 7 хоногт 120 орчим цаг ажиллуулдаг газрууд байж л байна. Барилгууд шүү.

0 Хариулах