“Хубилай хаан” ХОАК “Weibo” олон нийтийн сүлжээнд бүрэн хэмжээгээр байршсан талаар Хятадын хэвлэл мэдээлсэн байна. Нийт 60 анги тус киног гурван сарын дотор 200 юаниар үзэх боломжтой болжээ.
Тус киног 2017 онд хийсэн бөгөөд гол дүрүүдэд дандаа монгол жүжигчин тоглосноороо Хятадын өмнөх “Хубилай хаан” киноноос ялгаатай. Юань гүрний түүх одоо ч Хятадад олон асуудал дагуулдаг тул киног бүтээхийн тулд Хятад, Монгол болон бусад орноос 100 гаруй эрдэмтэн, түүхч нарыг урьжээ. Зохиолыг бичихийн тулд маш олон эрдэм шинжилгээний хүрээлэн, их сургууль оролцсон юм. Учир нь үндэстэн хоорондын асуудал орчин үед ч тун эмзэг асуудал билээ.
