Bhiisma: Өөрийгөө нээж олж мэдээд, дараа нь "алах" л хэрэгтэй


  |     2018-01-31 11:37   |     101942
  2018-01-31 11:37   |     101942

Саяхан өөрийн "Hangard Gang 777, Chapter I" цомгийг гаргасан, бас сошиал ертөнцөөр ихээхэн шуугиан тариад байсан Bhiisma-тай бид энэ удаа ярилцлаа. Түүний дотоод ертөнц, уран бүтээлийн тухай энэ ярилцлагаас уншиж, бусдын хэлж ярьснаар бус өөрийн мэдрэмжээрээ хүлээн авч, ойлгоорой.

-Таны гаргасан цомгийн дуунуудыг сонсож үзсэн. Тэр дундаас “Ойрхон” гэж дуу сонирхлыг минь маш их татсан л даа. Та энэ дууны үг, аяыг яаж бодож олсон бэ?

-Би хоёр удаагийн аяллаар бодож олсон. Сүүлийн гурван жилийн хугацаанд би маш их аялсан. Эхний удаа Гачууртын ууланд хоногоор аялаад, тэндээ бясалгал хийж байхад анх энэ дууны санаа орж ирсэн дээ. Эхний бадаг нь бичигдээд, хоёр дахь бадаг нь бичигдэхгүй байх үед Өмнөговь аймагт Ёлын ам руу аялахдаа 45 км замд 1 литр устай гурвуулаа уртын алхалт хийж яваад бичсэн. Энэ дуу хүн төрөлхтөнд зориулагдсан, хүн төрөлхтөн болоод ертөнц, байгаль гэдэг нь ямар учиртай вэ, энэ зүйлс хоорондоо ямар зохицолтой юм бэ гэдгийг харуулсан. Гэр гэдэг нь хүний дотор орших зүйл гэдгийг харуулахыг зорьсон доо.

-Ер нь гадаад улс орноор их аялдаг уу? Өөр орчинд бичсэн дуу, эх орондоо бичсэн дуу хэр ялгаатай байна?

Би аялах дуртай. Австрали, Филиппин, Турк, Хятад, Хонг Конгоор аялж байсан. Одоо бас Тайланд руу аялалд гарах гээд л байж байна. Хятадад байхдаа би тэнд өөрийн хамтлагтай байсан л даа. Гэхдээ бараг арав гаран жилийн өмнө юм байна. Энэ цомгийн бараг бүх дууг би Монголдоо бичсэн. Миний бүх зүйл одоо л эхэлж байна. Хоёр дахь цомгийнхоо продакшн дээр би одоо ажиллаж байгаа. Хоёр дахь цомог маань англи хэл дээр гарах болохоор би гадаад явах гэж байгаа юм л даа. Өөрийн улс орныг төлөөлөн олон улсад цомгоо гаргаж байгаа болохоор би өөрөө олон улсын төвшинд байх ёстой. Тиймээс дэлхийн том том хотуудаар амьдраад, амьдралын хэв маягийг хөгжүүлээд явах юм.

-Таны уран бүтээлээ туурвиж буй энэ хөгжмийн урсгалыг юу гэдэг вэ?

Би яг анх хип хоп хийдэг байсан. Бараг арав гаруй жил хөгжмийн аж үйлдвэрт хип хоп хөгжлийг авчрахын төлөө зүтгэсэн. Хип хопоос нэлээн дээрээс больж, трап хөгжим хийж эхэлсэн. “Hustla Music” гээд Desant, Black болон найзуудтайгаа нийлж 2012 онд Монголын анхны гоё трап цомгийг гаргаж байсан. Миний одоо хийж байгаа зүйл трап хөгжим л дөө. Гэхдээ эхний цомог маань юугаараа онцлог вэ гэвэл эхлээд трап байж байгаад хоёр дахь хэсгээсээ өөрчлөгдөөд явж байгаа. Миний хөгжимд цаашдаа асар олон өөрчлөлт хийгдээд явна. Миний амьдралын хэв маяг өмнө нь трап байсан. Одоо бол тийм биш, бүр илүү сайн сайхан зүйл рүү явж байгаа. Энэ ертөнцөд өөрийнхөө өгөх ёстой зүйлийг өгөхийн тулд л явж байна. Одоо өөрийн хийж байгаа хөгжмийн төрлийг би “Hangard Style” гэж хэлнэ. Ер нь цогцоороо соёл явж байгаа юм. Хувцаслалт, дизайн, сэтгэл зүй гээд бүх тал дээр.

-Та шашин шүтдэг үү?

Би шашин шүтдэггүй. Гэхдээ би энэ гоё ертөнцөд итгэдэг. Мөнх тэнгэр, бурхан гээд л хүмүүс янз бүрээр л ярьдаг л даа. Гэхдээ би тэр зүйлд итгэдэг. Тэр зүйлтэй ойрхон байхыг үргэлж хичээдэг.

- “Догь залуус” гээд нэвтрүүлэг хөтөлдөг байсан. Яагаад үргэлжлүүлэхээ больсон юм бэ?

Миний амьдралд одоо нөгөө гаруудын сенсаацлаад байгаа асуудал гарсан. Би шоронд орсон. Гэхдээ яагаад тэгж яриад байгаа юм бэ, шорон тийм муухай газар биш шүү дээ. Хүмүүс алддаг, тэгээд тэнд засрахын тулд ордог. Би тэр хугацаандаа ном маш их уншиж, бясалгал хийдэг байсан.

-Та өөрийгөө олж чадсан гэж боддог уу?

Би өөрийгөө маш дээр үед олсон байсан. Ер нь өөрийгөө хэтэрхий олох нь их аюултай шүү дээ. Миний ойлголтоор бол хүн өөрийгөө эхний ээлжид олж, нээж мэдээд түүнийхээ дараа өөрийгөө алах л хэрэгтэй юм билээ. Устгах хэрэгтэй. Тэгээд өөрийн дотроос өрөөл бусдыг олох хэрэгтэй юм байна гэдгийг би ойлгосон. Би өөрийгөө өмнө нь маш дээр үед олж байсан. Түүнийг миний өмнө нь хийж байсан хөгжим ч илэрхийлдэг юм билээ. Бүр хуучны дуунуудаа сонсоод заримдаа гайхдаг. “Wow”, би дээр үеэсээ л ийм байсан юм байна шүү дээ гээд л.

-Өөрийн бодлыг өөр өнцгөөс, өөр хэрэгсэл ашиглан түгээх санаа байгаа юу? Дуу хөгжмөөс өөрөөр?

Би өөрийгөө маш олон төрлөөр илэрхийлэхийг хүсдэг. Одоогийн байдлаар маш олон төсөл дээр ажиллаж байгаа. Дуу хөгжмөөс өөр бүх салбар дээр л манай “Hangard Gang” амьдралын хэв маяг маань явж байгаа. Хувцас загвар, гоёл чимэглэл, жишээ нь энэ зүүлт гэх мэт олон зүйл дээр бид ажиллаж байгаа. Гэхдээ ямар нэг зүйлийг бүтээхэд нэг хийгээд л гаргачихдаг юм биш. Мөн чанарыг нь бүтээхийн тулд цаг хугацаа орно. Одоо бол цаг хугацаа ороод л явж байна. Бид аяллаа дөнгөж эхлүүлээд явж байна. Дөнгөж гурван жил болж байгаа. Би одоо дөнгөж 31-тэй залуу. Энэ амьдралд зөндөө их юм хүлээж байна.

-Уран бүтээлийн ажлаа хэзээнээс хийж эхэлсэн юм бэ?

Уран бүтээл хийх хүсэлтэй, хийх юмсан гэж их урт хугацааг өнгөрүүлсэн. Миний яг өөрийн хийж эхэлсэн гэвэл Hangard Gang 777, Chapter I гэх энэ цомог юм. Цэвэр өөрийн уран бүтээлч сүнсийг сэрээж, уран бүтээлч сэтгэлгээгээр ажилласан.

-“Hangard Gang” анх яаж бий болов? Одоо хэдэн гишүүнтэй вэ?

Бид хэд ч цөөхүүлээ дээ. Гэхдээ бас маш их гэмээр ч юм шиг. Бүлэг ч гэмээр юм уу хөдөлгөөн ч гэмээр юм уу ийм нэг ойлголт дээр үеэс явсаар л байсан. Одоо бол дараагийн төвшинд хүрч, нэг соёлыг бүтээгээд явж байгаа. Өмнө нь би бизнесийн тал, менежмент бүх юмаа хариуцаад явдаг байсан бол одоо зөвхөн өөрийн уран бүтээлийг хийх тал дээр анхаарлаа хандуулах боломжтой болсон. Учир нь миний ард бүхэл бүтэн баг ажиллаж байгаа. Тэр хүмүүс маань манай энэхүү “Hangard Gang” юм. Манайхан цомхон, дандаа залуу хүмүүс байгаа. Бүгд өөрсдийгөө хөгжүүлэх, энэ соёлыг бүтээх тал дээр өдөр болгон ажиллаж байгаа. Энэ цомог болон өөр олон зүйл цаашаа гараад энэ бүхнийг харуулах байх. Би итгэлтэй байна.

-Чөлөөт цагаараа уран бүтээлээсээ гадна юу хийх дуртай вэ?

Би байнга бүжиглээд л байж байдаг. Дуу дуулах дуртай. Ер нь чөлөөт цагаараа хөгжилтэй л байх дуртай. Найзуудтайгаа янз бүрийн сэдвээр ярилцаж, ном их уншина. Ном бол үнэхээр гайхамшигтай.

-Та сүүлд ямар ном уншив? Хүмүүст ямар ном санал болгомоор байна?

Бүх уншигчдад би Пауло Коэльогийн “Алхимич” гэдэг номыг санал болгомоор байна. Энэ ном хүн төрөлхтний дотоод гайхамшгийг харуулсан, маш гоё адал явдалтай, сонирхолтой ном. Яг одоо бол Садгуругийн “Inner Engineering” номыг унших гээд, эхний хуудаснуудыг эхлүүлээд явж байгаа.

-Хүмүүсийн шүүмжлэлийг та юу гэж хүлээж авдаг вэ?

Хүмүүс ингэж их үзэн ядаад, сөрөг хандаж байгаа нь миний хувьд сайхан хэрэг болж байгаа. Яагаад гэвэл энэ нь намайг зөв зам дээрээ явж байгаа гэдгийг харуулж байгаа. Ямарваа нэгэн дуучин, хөгжимчин гарч ирэхэд тэр нь өмнө нь байсан ямар нэгэн уран бүтээлчтэй, бүтээлтэй адилхан байх юм бол хүмүүст шууд таалагдчихдаг. Далд ухамсарт нь танил болохоор, ямар нэг танил загвар байгаа болохоор түүнийгээ таалаад, “өө энэ гоё байна” гэж хүлээж авч болдог. Шал өөр, өмнө нь байгаагүй сонин юм гарч ирэхээр хүмүүс эхэндээ ойлгохгүй “таг” гээд шинэ юмтай нүүр тулдаг. Ихэнхдээ хүмүүс мэдэхгүй зүйлээсээ л айж, зугтдаг. Мэдэхгүй зүйлээ үзэн яддаг. Харанхуйгаас айдаг шүү дээ. Тийм болохоор хүмүүс үзэн ядаж, муулаад байгаа ч гэсэн тэр нь нээх буруу биш. Аажимдаа миний хөгжим цааш гарсаар байх үед энэ хүмүүс “Өө энэ чинэ нээрэн гоё л юм хийж байсан юм байна. Бид нар ойлгохгүй байсандаа л тэгсэн юм байна” гэж л бодох байх. Яагаад гэвэл миний хийж байгаа зүйл шал өөр байгаа. Тиймээс хүмүүс их цочмог хүлээж аваад байгаа.

-Та өмнө нь бас олон нэртэй байсан юм байна лээ. Ийнхүү нэрээ солиод байдгийн учир юунд байна вэ?

Би нэр гэдэг энэ тоглоомд их дуртай. Рэпперүүд янз бүрийн олон нэртэй байдаг шүү дээ. Нэр болгоны ард нэг характер байдаг. Нэр гэх зүйл яг л миний хөгжлийн явц гэж би ойлгодог. Одоогоор миний нэр “Bhiisma” болсон байгаа. Энэ бол санскрит нэр. Үүнийг би өөрөө бодож олоогүй, миний хүндэлж явдаг хүн надад энэ нэрийг өгсөн.

-“Bhiisma” гэж юу гэсэн утгатай нэр вэ?

Энэ нь бодлын хүчийг эрхшээгч гэсэн утгатай үг. Миний нэрүүд миний хөгжлийн цэгүүд л юм уу даа. Хурдтай, дээш, доош янз бүрийн цаг үеийг туулсаар одоо их хөгжилтэй цаг үе дээрээ ирсэн байна. Намайг цаашид ямар сонирхолтой зам хүлээж байгааг мэдэхгүй ч би тийш урагшилсаар л байна.

-Та сүүлд ямар шивээс хийлгэв?

Хамгийн сүүлд гэвэл энэ зүүн гар дээрх шивээсийг долоо хоногийн өмнө хийлгэсэн. Энэ бол очир. Маш хүчтэй, гоё бэлгэ тэмдэг. Очир бол маш цэвэр тунгалаг бас асар их хүч чадлыг бэлгэддэг. Баруун гар дээрээ харин цагийн хүрдийг шивүүлсэн. Энэ бас саяхных. Яг энэ шивээсийг хийлгэж байхдаа би ойлгосон. Үүнийг шивүүлсэн цагаас цаг хугацаа ердөө миний талд л үйлчлэх юм, цаг хугацаа бол миний дайсан биш харин итгэлт анд, миний хамгийн үнэнч боол гэдэг зүйлийг би ухаарсан. Шивээсэнд би үнэхээр ач холбогдол өгч ханддаг. Манай үеэл Халзаа шивээс хийдэг. Би түүнд 100 хувь итгэдэг. Тэр ч бас миний шивээснүүдээр өөрийгөө илэрхийлдэг. Зарим нь зүгээр миний өөрийн хүслээр ч биш Халзаа барьж аваад, зурах ч үгүй хийсэн “freestyle” шивээс. Би шивээсэнд их гэгээлгээр ханддаг юм аа.

-Таны амьдралын дүрэм юу вэ?

Хип хоп гэх зүйлд “Pussy, Money, Weed”, “Money, Power, Respect” гэх мэт зүйлс байдаг шүү дээ. Өмнө нь миний амьдралд тийм зүйл байсан. Гэхдээ одоо миний амьдралын дүрмүүд бүгд өөрчлөгдсөн. Одоо миний амьдралд шударга ёс, талархал, хайр гэсэн дүрмүүд л үйлчилж байна даа.

-Хүмүүс өөрсдийн баригдмал байдлаас хэрхэн салдаг юм бол? Таныг би аль хэдийн баригдмал байдлаасаа салсан юм болов уу гэж харж байна.

Өөрийн дотор хөгжүүлж байгаа тэр нэг бяцхан “гичийгээс” л салах хэрэгтэй. Тэр бол хүмүүс эго гэж нэрлээд байгаа хар юм л байх шиг байгаа юм. Үүнээс зүгээр нэг үйлдэл хийгээд салчихгүй юм аа. Тэр зүйлээс салах арга нь нэг үйлдлийг амьдралынхаа турш хэв маяг буюу “lifestyle” болгож хэрэгжүүлэх юм. Тэр үйлдэл нь юу вэ гэхээр “өгөх”, үйлчлэх. Өөрийн эгогоос салмаар байвал хамгийн түрүүнд хайртай хүмүүсээ хайрлаад, гэрийг нь цэвэрлэдэг ч юм уу яаж чаддаг, түүгээрээ л тэр хүмүүст үйлчлэх. Үйлчлээд ирэхээр яваандаа дотор байх хар юм багассаар байгаад, бусдад үйлчлэхийн аз жаргалыг олоод танихгүй хүнд ч бай, хэнд ч бай очоод үйлчлэхэд бэлэн болдог юм билээ. Хүмүүс бие биедээ их муухай хандаж байгаа шүү дээ. Түүнийг болихын тулд эхлээд дор хаяж зөвхөн хайртай хүмүүстээ бууж өгөөд, үгэнд нь ороод, үйлчлэх л хэрэгтэй. Мөнгө олохын төлөө амьдрах биш бусдын сайн сайхны төлөө, үйлчлэхийн төлөө л амьдрах хэрэгтэй. Энэ хугацаанд би өөр дээрээ туршилт хийсэн. Үүнээс миний ойлгож авсан зүйл бол энэ.

-Дуу хөгжимд таны ярьж байгаа энэ зүйлийг өгөх чадал байгаа юу?

Дуу хөгжим бол гайхамшигтай хүч чадал. Дуу хөгжим ямагт хүмүүсээс түрүүлж явж байдаг. Энэ хүч чадлыг мэдэрч байж хүмүүс харанхуйгаас гэгээрч, зүгээр байхдаа л аз жаргалтай байх тэр мэдрэмжийг олдог. Миний эхний цомгийн хувьд бол би өөрийгөө үүнд бүрэн өгсөн. Үүнээс эхлэн миний уран бүтээл гарч байна гэдэг нь би үйлчилж байгаа юм. Өөрийгөө гаргуунд нь гаргаад, бүх юманд бууж өгөөд, би яг юу хийх ёстой юм тэрийгээ хийе гээд бүх юманд буугаад өгсөн. Энэ дуунууд бол цаанаасаа л хийгдэх ёстой юм нь надаар хийгдэж байгаа миний үйлчилгээ. Миний дуунууд их эерэг энергитэй, өөрчлөлтийг хэрхэн авчрах вэ гэдэг арга замыг заасан газрын зураг шиг “shit” байгаа юм. Би өөртөө яаж туршилт хийгээд, яасан бэ гэдгийг өгүүлсэн амьдралын түүх. Энэ цомог хүмүүст сайн үр дүнгээ өгөөд, эерэг энергийг үржүүлээд явна гэдэгт итгэлтэй байдаг.

-Таны цомогт хэдэн дуу багтсан бэ? Одоо яг худалдаанд гарсан байгаа юу?

Найман дуутай. Онлайнаар, дижитал байдлаар зарагдаж байгаа. Бүх түгээлтийн сүлжээнүүдэд мөн зарагдаж байгаа. CD хувилбараараа гараагүй байгаа. Гэхдээ удахгүй гарна. Дуунууд бүгд үгтэйгээ юүтүб дээр тавигдсан. Надад харамлах зүйл алга. Тийм биз дээ? Заавал миний цомгийг худалдаж аваад, миний дууг сонс гээд хүмүүсийг боогоод байгаа ч юм шиг тэ? Намайг дэмжээд, намайг энэ зүйлээ дахиад хурдан сайхан хийгээсэй гэж бодсон хүмүүс нь тэр “CD”-ийг авна биз. Би хэн нэгнийг худалдаж ав гэж хүчиндэхгүй. Миний дууг сонсмоор байвал юүтүбээс ороод сонсчих, хүсвэл бүр юүтүбээс татаад ч сонсчих. Намайг дэмжмээр байвал зүгээр татахгүйгээр ороод сонсчих, “I don’t care”. Бүгд зүгээр л энэ эерэг энергийг хоорондоо хуваалцаад бие бие рүүгээ инээмсэглээд сайхан л байж байвал надад сайхан байна.

-Ойрын хугацаанд тоглолт хийх төлөвлөгөө байгаа юу?

Байгаа байгаа. Нэгдүгээр боть цомог ийнхүү гарлаа. Хоёрдугаар боть цомгийн дуунууд цацагдаж эхлэх үеэр “Hangard Gang 777, Part I” гээд бүрэн хэмжээний аялан тоглолт болох юм. Хугацааг зургаадугаар сард гэж төлөвлөж байсан ч юмс бодит байдал дээр өөр л байдаг юм билээ. Одоогийн байдлаар бид намар болтол хойшлуулаад байна. Цаг хугацаа харуулна. Гэхдээ ямар нэг зүйлийг цаг хугацаагаар хэмжихгүй үйлдлээр хэмжих нь илүү амжилттай юм байна гэдгийг ойлгоод байгаа. Цаг хугацаагаар хэмжвэл зөндөө их хийх юм байгаад, түүнийгээ хийх гээд л өөрийгөө шахаж бухимдуулж байснаас аажмаар хийгээд болох цагт нь болгочихвол гоё л юм билээ.

-10 жилийн дараа гэхэд та яаж өөрчлөгдсөн байх бол?

10 жилийн дараа ямар ч байсан би маш олон зүйл хийсэн байх болно. Тэр үед миний оюун санааны, миний сүнсний, биеийн төвшин шал өөр төвшинд байна байх. Тэр үед би одоо мэдэхгүй маш олон хэмжээстийг өөртөө нээсэн байна байх. Тэр үед би одоо өгч байгаа ярилцлагаа хараад өөрийгөө хайрлаж хүндлэх байх. (инээв)

-Таныг олон залуу уран бүтээлчдийг таниулахад тусалсан гэсэн байсан?

Desant бид хоёр олон жил хамтарч ажиллаж байсан. “Hustla Music” гээд төсөл хийхэд маш олон рэпперүүд байсан. “Click Click Boom”-ийн Black, “Street Man”-ий Mekh ZakhQ, Baby Cash бас Maaraa бяцхан хүүхэд байхаасаа намайг ах аа гэж хүндэлдэг байсан. Бид хоёр ах дүүгийн харьцаатай. Анхнаас нь л хамтдаа ажиллаж байсан. Нямбаа гээд авьяастай залуу байгаа. Тэр бас гоё шаана. “Young Nation” гээд хөдөлгөөн байдаг юм. Ер нь хамгийн залуу хөдөлгөөн. Тэд бүгд л намайг мэднэ. Бүгд миний бяцхан хөөрхөн дүү нар, хамт сайхан цаг хугацааг өнгөрөөж байсан. Манай шинэ залуу авьяастай дүү нар зөндөө байгаа. Хааяа хааяа уулзаж, энэ тал дээр зөвлөгөө өгдөг. Миний энэ 10 жилд хуримтлуулсан туршлага бол хэрхэн залуу рэпперийг дотроос нь нээж, өөрийг нь олуулж, сайн сайхан зүйлд хүргэх вэ гэдэг юм. Миний хийсэн төслүүд амжилтгүй болж байгаагүй. Одоо “Desant”-ийн нэр хүндийг хар л даа. Тэр одоо Монголд “хамгийн” л байна.

-Хүмүүс ийм төрлөөр уран бүтээл хийж байгаа залуусыг амьдралын буруу хэвшилтэй гэж харах гээд байдаг талтай.

Тийм, гэхдээ манай гангийн залуучууд бол огт архи, тамхи хэрэглэдэггүй. Спортоор хичээллэж, өөрсдийгөө маш сайн анхаардаг. Бие, бодол бүх юмаа л хайрладаг. Амьдралын ийм хэв маягийг хэрэгжүүлээд гурван жил болж байна. Тэгэхээр гоё л юм билээ. Бүх зүйл маш цэгцтэй, ойлгомжтой болдог. Цомог ч гэсэн үүнийг илэрхийлнэ. “Өглөөний хүн” гээд дуу байгаа. Тэр бол миний амьдралыг өөрчилсөн тийм бүтээл. Өөрийгөө хайрлах гоё. Өглөө эрт босох гоё. Спортоор хичээллээд биеийнхээ чилээг гаргах гоё.

-“Өглөөний хүн” дуу “Хийморийн сан” гэх нэрээр хүмүүс дунд их тархаад байсан.

Аан тийм, тийм. Тэгээд байсан. Гэхдээ яадаг юм, би лав уран бүтээлдээ хайртай, уран бүтээлээ хүндэлдэг. Хэн юу гэх нь надад хамаагүй. Би яг 365 хоног дараалан өглөө болгон бороотой ч бай цастай ч бай гүйгээд л, нар мандахыг харж байхдаа тэр дууг өглөө болгон дуулдаг байсан. Тэр дуу надаар бүтэн жилийн хугацаанд асар их юм хийлгэсэн. Өглөө тэр дууг дуулаад л учраа олчихдог. Миний хувьд яг мантра шиг. Хүн бодлоо цэгцлэхийн тулд мантраг ашиглавал их дажгүй шүү дээ. Ямар нэг зүйл хийхээс цааргалаад, эсвэл болохгүй байвал дотроо, “За, би энэ зүйлийг хийнэ ээ” гээд хэлэхэд л тэр хүний бодол цэгцрээд явчихдаг. Үг гэдэг маш хүчтэй үйл. Юм бодонгуут л тэр бодол биелдэг гээд байхад чинь үг гарч байгаа юм чинь түүнээс хүчтэй үйл байгаа биз дээ? Тиймээс энэ дуу надад хүчтэй нөлөөлсөн, олон хүнд ч нөлөөлнө гэдэгт итгэдэг. Манай залуучууд ч бас үгийн хүчийг ойлгоорой. Нэг үг хэлээд, тэр гарсан л бол үүрд гарсан. Муухай үг хэлэх муухай... гээд хэлэнгүүт л муухай байгаа биз дээ? (инээв) Гоё юм гоё шүү гэхээр гоё байгаа биз дээ?

-Энэ урт хугацаанд шантрах зүйл олон байсан байх. Тэр бүхнийг яаж давж гарах бүрдээ юуг сурч авсан бэ?

Шантрахгүй байхыг сурч авсан (инээв) Тийм үе дандаа л байдаг. Амьдралын нэг хэсэг болчихдог шүү дээ. Байнга л новшийн зүйл тохиолдоно.

-Сүнслэг байдал, энергийн тухай их ярилаа. Та өөрийгөө танин мэдэх энэ аялалд хэзээнээс гарч, эдгээр зүйлд татагдах болов?

Гиюүрэхээс л эхэлсэн байх даа. Би хувьдаа хүн юу ч хийхгүй байж байж л өөрийгөө ойлгох байх гэж боддог. Жишээлбэл би боловсролын системд их шүүмжлэлтэй л ханддаг. Бяцхан хүүхдийг 12 жил уйгагүй хичээл, даалгавар гэх зүйлээр дарж, гиюүрэх чөлөө зав өгөхгүй байгаагаас болоод буруу үр дагавар гараад яваад байгааг би анзаарч ойлгосон. Хамгийн гол нь хүн өөрөө өөртэйгөө ойлголцох юм бол гайгүй л юм шиг байна лээ.

-Манай уншигчдад хандан хэлэхийг хүссэн зүйлээ хэлнэ үү.

Миний цомгийг сонсоорой. Хэрэв ойлгогдохгүй байвал “it’s okay”, зүгээр, санаа зоволтгүй. Эхэндээ бүх юм ойлгогддоггүй юм аа (инээв) Гэхдээ яваандаа энэ зүгээр л эерэг энергийн урсгал юм гэдгийг ойлгочих юм бол бүх юм сайхан болно. Хэдий хүмүүс буруу, муухай гэж хэлж байсан ч гэсэн өөртөө итгэлтэй бай, өөрийнхөөрөө дүгнэлт гарга, сонсоод өөртөө хүлээж аваарай, баярлалаа.


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

43 сэтгэгдэлтэй

  • arhat   [64.119.20.232]
      2018-10-05 19:10
    Бусад хүн зэвүүн муухай санагдаад эхэлвэл таны сэтгэл л зэвүүн муухай болсон байна гэж ойлгоорой. Хүн яг бодож байгаа бодол шигээ л байдаг. Өөрийгөө хүндэлж хайрлаж хүлээн зөвшөөрсөн хүн бусдыг ч мөн яг адил. Өөртөө итгэлгүй өөртөө хор учруулдаг өвтгөдөг хүмүүс л бусдыг шүүн цэгнэх өөлөх донтой байдаг. Гурван сая хүн нэгнээ шүүсээр байгаад одоо ямар болсныг хар, мөн чанараасаа алсарсан өөрийнхөөрөө биш өбр байхаас эмээдэг үргэлж дүр эсгэсэн баг зүүсэн харцандаа булингартай одоодоо ханаж амьдардаггүй ухаан санаа нь өнгөрсөн ирээдүйд л явж байдаг нэгэндээ чин сэтгэлээсээ хүнлэг хандахыг мэдэхгүй хаашаа ч юм яарсан бухимдсан шуналын гаж донгын гуныг гутралын уур хилэнгийн айдасын харц цоргих хүмүүс гудманд гараад л харахад дүүрэн таарна. Ийм буруу хүмүүс эргэн тойрноо үргэлж зовооно. Сошиалаар муу нян халдааж өөртөө болон бусдад бага багаар хор хохирол учруулж тэрнээсээ таашаал авдаг шимэгч хорхой шиг амьдралтай. Эрүүл хүн яаж бусдыг нийлж доромжлоод кайф авах талаар бодохов дээ. Хэдэн янзын сэтгэцийн эмгэгтэйгээ ч хүлээн зөвшөөрөхгүй өөрт нь сэтгэл зүйч хэрэгтэй ч гэж ухамсарлахгүй. Хар бодлуудаараа гэрлэн бие ээ гэмтээж муу энергиэр бүрхүүлээ бүрдүүлдэг. Бусдын урмыг хугаллаа гээд чамд урам зориг ордог бол чи амьдардаггүй зүгээр л амьд гарж аргацааж явдаг хүн байх нь. Өөрийнхөө эзэн байна гэдэг мэдрэмжиндээ захирагдах биш мэдрэмжээ бүрэн удирдаж өөрийнхөөрөө байж гадны ямар нэгэн нөлөөнд гуйвшгүй дотроосоо аж жаргалыг үүсгэж ундаргаж амьдархыг хэлнэ. Хэн нэгэн уурыг чинь хөдөлгөж эсвэл догдлуулж байвал тэр хүн чиний эзэн, мэдрэмж чинь чиний босс. Чи хэдэн мэдрэхүйнхээ утсан хүүхэлдэй. Ямар нэг зүйл байж суух аргагүй шуналыг чинь хөдөлгөдөг бол мөн адил. Хүнд хүсэл гэх нэг л зовлон байгаа шүү дээ хүссэн зүйлээ биелүүлж чадахгүй байх хүсээгүй зүйл нь ирэх. Таатай зүйлд шунаж таагүйд нь хорсож хариу үйлдэл үзүүлдэг зуршилаа багасга. Хүсэл гэдэг угтаа үүсээд устах хоосон зүйл биш үү. Сайн муу бүх нөхцөлд гуйвшгүй тэгш амгалан байж өөртөө эзэн явах л хэрэгтэй. Бид одоо юуны араас үхэн хатан хөөцөлдөж байгаа вэ. Мөнгө гэдэг хягааргүй тооны араас гүйгээд хэн хохирох юм махан биеийн амьсгалах тоо харин хязгаартай. Билиг оюунтай хосолсон хүсэл бол диваажин мунхагын хольцтой хүсэл бол там шүү. Бүх нууц бүр таны дотор бий. Аз жаргалтай амар тайван тэгш амгалан оршиж бусдад тустай хүн байх нууц. Сэтгэлдээ бусдыг шүүгээд л хорлоод л алаад л хүсэлдээ шуналтаад л үхэж хатаад л яваад байдаг. Сэтгэлийн нүгэл хуримлагдсаар таныг байх суух газаргүй болгоно. Сэтгэлд юу байна тэр амаар гарна яваандаа үйлдэл болж биежинэ. Бие хэл сэтгэлийн нүгэлийн үндэсийг зөв таньж ёзоороос нь суга татах хэрэгтэй. Таны үйл болгоны үр нь ирнэ шүү дээ. Үхэх үед бурхан шүүхгүй харин үйл үр хоёр л шүүнэ. Та сүнс тээсэн бие биш харин та бол сүнс харин таньд бие байна. Дэлхий дээр хэсэг давхих унаа тэрэг байна.Үүнийг ухаарвал юунд ч хүрэх бүрэн бололцоо байна. Гэтэл махан биеийнхнээ л хүсэлийг хангахын төлөө амьдарцгааж архи тамхи хар тамхи машин байр мөнгө хувцас гээд л өөртөө улам хүлээс хамаарал нэмээд л өөрийнхөө бий болгосон шорон дотор байгаагаа ч анаарахгүй шалдар булдар яриагаа ярьж цагаа үрээд л өөртөө нүгэл хураагаад л өөрийгөө бага багаар алаад л уурыг шуналыг үүсгэж өөрийгөө болон эргэн тойрноо зовоогоод л. Унтаа хүмүүс дунд сэрүүн орших нь жинхэнэ эрх чөлөө. Ингэж оршдог хүмүүс л энэ хэсэгхэн насаа энэ төрөлөө бүрэн дүүрэн ашиглаж амьдарч чадна. Тэгэхээр таны гарт бүгд байна. Махан бие ээ дайчил юм сурж мэд эргэн тойрондоо тустай зөв хүн бай сүнсэн биеийнхээ хөгжилийн аян замд гар өөрөө эхэлж сэрээд унтаж байгаа бусдаа сэрээ буян хий. Одоо цагын бодит үнэнг тань ирээдүй өнгөрсөн 2т байх боломжгүй учир одоодоо ханаж төвлөрөөд өдөр бүр аз жаргалтай байх сонголтыг хийн тултал хичээж тайван хөдөлмөрлөж тасралтгүй хөгжиж байхад ирээдүй гэдэг угаасаа хамгийн сайхан хувилбараараа хүрээд ирнэ. 1 мөчид нэг л үйлдэл хий. Галын үнэн бол шатах болон шатаах гэдэг шиг хүний үнэнийг тань та уурыг үүсгэвэл атгаг санааг өдөөвөл өөрөө зовно энэ бол факт. Ёртөнцийн үнэнийг тань ухаж онож мэд судал бүрэн ухамсарла эцсийн эцэст бүх зүйл үүсэн устах шинж чанартай атом молекул төдий мөнх бус зүйл. Амьдрал богинохоон зүүд шиг гэхдээ бид туршлага хуримтлуулахаар олон зүйл онож мэдэхээр хайрыг түгээхээр олон нууцыг тайлахаар дэндүү утга учиртайгаар илгээгдсэн гэдгийг сана жижигхэн шоронгоосоо гар баригдмал сэтэхүйгээ хая хүн болгоныг хайрлаж бай. Дээд би гийнхээ талаар сүнсэн биеийн хөгжилийн талаар унш судал бясалгал ёога хийж сэтгэл бие 2ийнхоо тэнцвэрийг ол өөрийгөө хүндэл хараал идсэн гахай шиг өөдгүй амьтан шиг амьдрахаа боль өмхий өгзөгөө хөдөлгө өргөн уудам ертөнц тэр чигээрээ өмнө чинь байна бүх зүйлийн түлхүүр дотор чинь байна. Ингээд үнэнийг хэлэхгүй бол нийгэм тэр чигээрээ хар дарсан зүүдэн дундаа унтсаар байна. Энэ биед буй мунхагийг эрдэм оюунаар гэрэлтүүлбэл өөрийн биед буй гэрлээр өргөн олноо гийгүүлж чадна. ХҮН гэдэг бол миний тодорхойлсноор Хайр Үнэн Нирваан

  • Бодлын хүчийг эрхшээгч   [66.181.187.181]
      2018-09-30 00:02
    "Уншигч та сэтгэгдэл бичихдээ..." гээд уншиж байгаад л бичсэн байлгүй дээ. Хүмүүс ганц үйлдлээрээ л өөрийгөө таниулчих юм аа. ТиБиг би маш их хүндэлдэг болсон. Түүнээс их юм гарна гэдэгт ч итгэж байна. Энэ нэрээ нууцалсан нөхдүүд одоогийн хэлдгээр жинхэнэ "орк" юм даа. Хөөрхий дөө, амьдралын мөн чанарыг бодож ч үзээгүй, үзэх ч үгүй хөөрхийс юм даа. Доромжил, доромжил. Харин цаана чинь "манай" ТиБи оюуны ямар түвшинд хүрсэн байх бол оо! ТиБи ахыг хүндэлье эээ! Хайртай шүү гэж хэлмээр байна, хувь хүнд чинь. Сайхан амраарай, бүх хүмүүс. Новш гэж, гэхдээ монголчууд яагаад ийм орк юм бэ, шиэт.

  • Зочиг   [66.181.161.91]
      2018-09-29 00:02
    bi chinii huuhdiig turuulmeer bn

  • Зочин   [66.181.161.91]
      2018-09-29 00:02
    bi chinii huuhdiig turuulmeer bn

  • Зочин   [66.181.161.91]
      2018-09-29 00:02
    bi chinii huuhdiig turuulmeer bn

  • Tuyagiin bagiin nz   [172.58.136.189]
      2018-09-17 14:28
    Tuyaaa minii nzaaaa, heden malaa zaraad hot orchood irii geed alga bolchihson duuchin bolchihson umuu, mal deeree mani hed ni huleegeed l bga shuu.

  • Зочин   [202.21.106.145]
      2018-09-15 00:29
    Бийсмаа гөгшөө чи бас гоё баагий бн шүү, элийМастераа хамгаалцан байшдээ ххаха

  • зочин   [202.21.112.37]
      2018-09-10 14:57
    Хорол тооныг цагийн хүрд гэдэг байсан юм уу?

  • Эелдэг залуу   [103.212.118.241]
      2018-05-23 09:29
    Ер нь хар тамхи татдаг матдаг гэж хэн хэлээд бгаам бэ,Шинэ бүхнийг эхлүүлээд шинэ урсгалаар яваад,эерэг зүйлд уриалж бна шүү дээ.Ямар тэгээл архи пиво хүүхэн шуухан дуулж бгаа биш.Мөрөөрөө л бна шүү дээ.Lil Pump ыг дуурайсан биш шүү дээ Lil pump аас ч өмнө Style нь иймэрхүү байсан ,ихээхэн өөрчлөлт орж цаг үеээ дагаж хувьссан байна.Удахгүй та нар ойлгоноо...

  • Зочин   [202.70.34.38]
      2018-02-23 12:22
    өөрийгөө лаг гэж бодсон ГАЖИГ амьтан л байна

  • Хо   [78.45.153.164]
      2018-02-10 00:41
    Сонирхолтой номнууд уншдаг юм бна

  • Зочин   [66.181.186.211]
      2018-02-09 19:56
    Очир Нацагдорж 2оо ч ялгахгүй элийрчихсэн нэг хар тамхичин л бн

  • Салхи   [202.131.243.190]
      2018-02-08 08:24
    Hi TB yuain

  • ЧИНГИС ХААН   [66.181.183.254]
      2018-02-06 15:36
    АМЖИЛТЫН ДЭЭДИЙГ ХҮСЭН ЕРӨӨЕ ХӨ

  • bi   [203.91.115.36]
      2018-02-04 15:18
    Зөв бодолтой залуу шнг санагдлаа хүн алдаж байж хүн шиг хүн болдог нь жам гэлтэй. :)

  • bi   [203.91.115.36]
      2018-02-04 15:18
    Зөв бодолтой залуу шнг санагдлаа хүн алдаж байж хүн шиг хүн болдог нь жам гэлтэй. :)

  • Зочин   [203.91.115.36]
      2018-02-04 15:18
    Зөв бодолтой залуу шнг санагдлаа хүн алдаж байж хүн шиг хүн болдог нь жам гэлтэй. :)

  • Ёндоо   [27.123.212.135]
      2018-02-03 16:18
    Дууг нь сонсоод их таалагдсан өвөрмөц байсан би трап хип хоп рок гээд таалагдсан л бол төрөл жанр харгалзахгүй сонсдог гэхдээ яг нэг шинэ зүйл хэрэгтэй байсан нь энэ shit мөн гэж бодож бн амжилт

  • Зочин   [139.5.219.71]
      2018-02-03 09:46
    Ooriihooro hiih zvilee hiiiged ywj bga hvn gj bdoj bn. Tsag hugatsaa ene vgsin vne tsenig ni haruulah bhaa.

  • Зочин   [103.212.117.60]
      2018-02-03 02:38
    Har tamhinii dontonuud l iim balai bdag bh .Yavj ajil hodolmor hii.Uhsenii chin ...

  • zochin   [103.212.118.83]
      2018-02-02 10:32
    yagaad manai zaluus iim boltsiin be novsh gj heleh ug alga neg l saihan ym yrisan nusgai batsaanuud

  • zochin   [103.212.118.83]
      2018-02-02 10:32
    yagaad manai zaluus iim boltsiin be novsh gj heleh ug alga neg l saihan ym yrisan nusgai batsaanuud

  • Lvccywert   [66.181.161.35]
      2018-02-02 07:39
    Хэлэх гэснээ хэлдэг зөв бодолтой өрихөрөө ухаалаг л бна филсофи нтр үг аяс Бодлого сайтайл ийн цаг хугацаа өнгөрмөгц уулзах л бх

  • sun   [139.5.216.173]
      2018-02-02 05:58
    ooriinhooroo zow l hun baishdee. Busdiin bodliig hundlehgui ingej ooriinhooroo haraaj zagnaad bgaa humuusiig oilgohguimaa. zaawal ta nar shig negen hewiin setgeh albaguishdee. Amjilt :)

  • sun   [139.5.216.173]
      2018-02-02 05:57
    ooriinhooroo zow l hun baishdee. Busdiin bodliig hundlehgui ingej ooriinhooroo haraaj zagnaad bgaa humuusiig oilgohguimaa. zaawal ta nar shig negen hewiin setgeh albaguishdee. Amjilt :)

  • sun   [139.5.216.173]
      2018-02-02 05:57
    ooriinhooroo zow l hun baishdee. Busdiin bodliig hundlehgui ingej ooriinhooroo haraaj zagnaad bgaa humuusiig oilgohguimaa. zaawal ta nar shig negen hewiin setgeh albaguishdee. Amjilt :)

  • Зочин   [139.5.217.166]
      2018-02-02 03:42
    elii gulug bndaa. Hun dotor hunee alval ego chamaig buren ezelj chi bish chinii orond uur har huch chmg ezlene. Oyun sanaanii deed tuvshind ingej hurdegui yumaa. Zugeer l uuriihuu bodloo heleed bh yum tgd yum bnlee ingedeg yum shig bnlee ntr guushde. Yum unshij sudlaldaa Deed biyendee hurmeer bval Oyun sanaagaa mash togtvortoi avj yavah heregtei ene met zah zuhaas ni jhn yum medeed uuriiguu tugsurtsun busad hun yu hgd bgaag ni oilgohgui gj bodson nuhduud haa saigui chi uuriiguu tugs gj bodson tsagaas chinii hugjil zogsono gantsaaraa yum meddeg gj bitgii bodooroi

  • TB   [182.160.1.18]
      2018-02-01 17:52
    Хуучин TARASBONE байхдаа л таалагддаг байж дээ... Одоо ч ерөөсөө хийж байгаа зүйлс нь таалагдаж шаахаа больсон доо...

  • Тамирка   [27.123.212.133]
      2018-02-01 12:50
    Үнэхээр таалагдлаа. Сайхан ярилцлага болсон байна. Бүх зүйл үнэн, үнэн хаан, үнэн цаг хугацаа, үнэн хайр, үнэн хүч.Амьдралын их далайдаа өөрийн хөлөг онгоцны ахмад нь болоод явж байгаа зөв үйлд нь амжилт хүсье. Нэг хайр Энх тайван Хүч Нөхөрлөл Угсаа гарвал Ариун нэр төр... Харсан хандсан бүр нь ивээж байг...

  • Тамирка   [27.123.212.133]
      2018-02-01 12:50
    Үнэхээр таалагдлаа. Сайхан ярилцлага болсон байна. Бүх зүйл үнэн, үнэн хаан, үнэн цаг хугацаа, үнэн хайр, үнэн хүч.Амьдралын их далайдаа өөрийн хөлөг онгоцны ахмад нь болоод явж байгаа зөв үйлд нь амжилт хүсье. Нэг хайр Энх тайван Хүч Нөхөрлөл Угсаа гарвал Ариун нэр төр... Харсан хандсан бүр нь ивээж байг...

  • Jzz   [27.123.212.142]
      2018-01-31 18:33
    #hangardgang ter dundaa Bhiisma,Maaraa vneheer gaihaltai vnher setgeld hvrj chaddag Bhiismagin yrtonts ch bas ih sonirholtoi bailaa ene yrtontsoro bidniig aylusand vneher ih bayrlalaa amjilt Bhiisma

  • Мгл   [37.127.151.203]
      2018-01-31 18:22
    TB одоо наад шорон оронгоо ярихаа боль. Хонхэрээдийн Энхбат шиг эрүүгийн элемент биш битгий балайтаад валайртаад байгаарай. Урлаг цагаан мөртэй, боловсролын нэг хэсэг шинэ урсгал төрөл хүүхдүүд их сонирхоно, зөв үлгэр болох хэрэгтэй ма нигга! Чиний хэлснээр бүгд шоронд орох зүгээр юм байна гэж ойлгоод эхэлвэл чи хариуцлагыг нь хүлээж чадах уу?

  • Ninjka   [59.153.87.43]
      2018-01-31 15:49
    Үнэхээр таалагддаг хийж байгаа зүйл болон хийх гэж байгаа зүйл АМЖИЛТ Bhiisma #Hangardgang RESPECT.

  • Kik   [103.57.94.200]
      2018-01-31 15:36
    He is high as a fuck

  • Yuan   [66.181.160.65]
      2018-01-31 14:50
    Shine erinii shine hun. HURAIx4 LVL UP!!!!

  • Young IGA   [202.9.40.252]
      2018-01-31 13:43
    Hangard gang гоё илүү олон бүтээл хүлээж сууядаа

  • Lil Pump   [27.123.212.136]
      2018-01-31 08:45
    Ygaad minii style-g gusaad bgaambee, dude

  • Lil Pump   [27.123.212.136]
      2018-01-31 08:45
    Ygaad minii style-g gusaad bgaambee, dude

  • Lil Pump   [27.123.212.136]
      2018-01-31 08:45
    Ygaad minii style-g gusaad bgaambee, dude

  • Гүнжээ   [182.160.3.20]
      2018-01-31 06:09
    Bhiisma.giin yertunz hamgiin unen, hairaar duuren. Hovor hun

  • Гүнжээ   [182.160.3.20]
      2018-01-31 06:09
    Bhiisma.giin yertunz hamgiin unen, hairaar duuren. Hovor hun

  • good luck, bruh   [202.9.42.165]
      2018-01-31 05:24
    In Sanskrit, the word Bhishma (भीष्म) means 'one who undertakes a terrible vow and fulfills it.'

  • Зочин   [103.26.194.133]
      2018-01-31 05:07
    btw that ego part pretty thoughtful

Аль ордынхон 12-р сард хайр дурлалаа олох вэ

Ирэх сард ямар ордынхонд Хайрын бурхан ивээлээ хайрлах бол?

  2018-11-20 14:44

Тэврэлдэх ашигтайг баталсан 19 баримт

Эрүүл энх амьдрахын тулд бид өдөрт доод тал нь 4 удаа тэврэлдэж байх ёстой

  2018-11-20 12:40

Calvin Klein-ий шилдэг зар сурталчилгаануудаас

Нэг сурталчилгаанаас болоод тэр сүм хийдэд сая доллар төлж байлаа.

  2018-11-20 11:46