Кино бол дүрүүдийн зүгээс ярих, үйлдэх үйл явлуудаас гадна дүрүүдийн интеллектуал шинж, соёлын түвшин, дотоод сэтгэл, бодлуудыг илтгэх нэг хүчтэй хэрэгсэл юм. Ном унших явдал нь дүрийн цаад өнгө, хүнлэг чанар, үзэл бодол, боловсрол, мэдрэмж зэрэг олон зүйлийг үзэгчдэд илэрхийлэх боломжтой. Таны дуртай киноны дүрүүд тус бүтээл дээр ямар номнууд уншиж байдгийг хамтдаа сонирхоцгооё.
Call Me by Your Name
“Dragon Seed” - Pearl S.Buck
Хятад соёл, хувь заяа, өөрчлөлтийн тухай өгүүлдэг энэхүү ном нь Элиогийн сониуч, гүн ухаанд татагдсан зан чанарыг илэрхийлнэ. Тэр хайр, өсөлт, өөрийн үнэн мэдрэмжээ эрж хайж буй хүн.
The Shining
“The Catcher in the Rye“ - J.D.Salinger
Ганцаардал, дотоод зөрчлийн тухай энэ ном нь Жак Торренсийн уналт, сэтгэц, мэдрэмж, үйлдлийн тэсрэлтийг бэлгэдэж буй хэрэг.
Inglourious Basterds
“The Saint in New York“ - Leslie Charteris
Энэ бол шударга ёсыг өөрийн гараар тогтоодог анти-баатарын түүх. Квентин Тарантино дүрүүдийн ёс суртахууны “саарал” тал, өш хонзонгийн үнэ цэнийг харуулахдаа тус номыг ч мөн оруулж өгсөн нь тун тохирсон сонголт болжээ.
Little Miss Sunshine
“Thus Spoke Zarathustra“ - Friedrich Nietzsche
Амьдралын утга учир, хувь хүний эрх чөлөөг өгүүлдэг философийн бүтээл. Энэ нь дүрүүд амьдралдаа аз жаргалыг өөрийнхөөрөө хайж буй аяллын бэлгэдэл болдог.
Notting Hill
“Captain Corelli’s Mandolin“ - Louis de Bernieres
Дайны үеийн хайр, итгэл, хувь тавилангийн тухай. Энэ номыг уншиж буй дүрүүдийн зөөлөн, романтик сэтгэл хөдлөлийг илэрхийлнэ.
10 Things I Hate About You
“The Bell Jar“ - Sylvia Plath
“The Feminine Mystique“ - Betty Friedan
Эмэгтэйчүүдийн дотоод сэтгэл, нийгмийн дарамт, эрх чөлөөний тухай өгүүлэх хоёр ном. Кэт бол бие даасан, ухаалаг, хэн нэгний дүрэмд захирагддаггүй охины төгс илэрхийлэл.
Clueless
“Basic Writing“ - Friedrich Nietzsche
Энэхүү бүтээлийн дүрүүдийн хувьд философи унших нь илүү хошин өнгө аястай гэж хэлж болох. Гаднаа тийм биш мэт харагдаж болох ч үнэн хэрэгтээ ухаалаг байж болохыг, гаднаас нь хэнийг ч тодорхойлохгүй байхыг харуулсан.
Pulp Fiction
“Modesty Blaise“ - Peter O’Donnell
Эмэгтэй тагнуулын тухай адал явдалт ном. Энэ нь дүрүүдийн хүчтэй, бие даасан зан чанарыг илтгэдэг. Квентин Тарантино ертөнцөд яг тохирох уран зохиол.
Home Alone
“Nobody’s Angel“ - Thomas McGuane
Ганцаардал, зориг, шийдвэрийн тухай. Энэ нь Кевиний бие даах чадвар, айдсыг даван гарах зоригийн далд бэлгэдэл мэт.
Mermaids
“Peyton Place“ - Grace Metalious
Нийгмийн хуурамч ёс суртахууныг илчилсэн бүтээл. Энэ нь дүрүүдийн гэр бүлийн нууц, хайр ба ичгүүрийн тэнцвэргүй байдлыг илэрхийлдэг.
Suicide Squad
“Between the Sheets“ - Molly O’Keefe
Хайр, хүсэл, аюулын тухай роман. Харли Куин шиг дүрүүдийн эргэлзээтэй хайр ба донтолттой холбоотой сэтгэлзүйн төлөвийг илтгэнэ.
White Men Can’t Jump
“World Almanac & Book of Facts 1991“
Баримт, статистик сонирхогч дүрийн шинжийг илтгэдэг. Энэ нь уралдаан, логик, спортын мэдлэгийг илтгэж буй.
Natural Born Killers
“The Bell Jar“ - Sylvia Plath
Хүчирхийлэл, дотоод хоосрол, зовлон дунд “өөрийгөө ойлгох” гэсэн оролдлогын бэлгэдэл.
50 First Dates
“Still Life with Woodpecker“ - Tom Robbins
Хайрын утга учир, хувь тавилангийн тухай хошин, уянгалаг өгүүлэмжтэй ном. Дүрүүдийн дурсамж, хайрын тухай түүхийг илүү гүнзгий болгож буй нэгэн хэрэглүүр болжээ.
Spider-Man: Homecoming
“Of Human Bondage“ - William Somerset Maugham
Залуу хүний хүсэл мөрөөдөл, хайр, золиослолын тухай. Энэ нь Питер Паркерийн өөрийгөө олох, хариуцлагыг ойлгох үйл явцтай тун нийцдэг.
Perfect Days
“Trees“ - Ava Koda
“The Wild Palms“ - William Faulkner
Байгаль, амьдрал, цаг хугацааны тухай гүн ухааны өнгө аястай номнууд. Тухайн дүрийн дотоод амар амгалан, өдөр бүрийн утга учрыг илэрхийлдэг.
When Harry Met Sally
“What Jung really said“ - Edward Armstrong Bennett
Сэтгэл зүйн тухай энэ бүтээл нь хайр, нөхөрлөл, хүний сэтгэлийн архетипийн тухай гүнзгий санаатай уялддаг.
Princess Diaries
Pride and Prejudice - Jane Austen
Ухаалаг, бие даасан эмэгтэй дүр, хайр ба нийгмийн ялгаа зэргээр энэ номын санаа Миад яг тохирдог.
Wednesday
Frankenstein - Mary Shelley
Гайхамшигтай, ер бусын мөн гүнзгий бүтээл. Энэ нь гол дүрийн “өөр байхын үнэ цэн” гэсэн үзэлтэй давхцана.
Before Sunrise
Madame Edwarda: Le mort, Histoire de l’Oeil - Georges Bataille
All I Need Is Love - Klaus Kinski
Хайр, хүслэн, философийн гүн ухаан холилдсон бүтээлүүд. Хоёр дүрийн хоорондын гүн ярилцлага, хүсэл, төөрөгдлийг илтгэнэ.
Harry Potter and the Prisoner of Azkaban
A Brief History of Time - Stephen Hawking
Цаг хугацаа, орон зай, хувь заяаны тухай шинжлэх ухааны бүтээл. Хэрвээ анзаарвал энэ анги яг цаг хугацааны гогцоо, өнгөрсөн ба одоо давхцах сэдэвтэй холбоотой.
Fleabag
The Holy Bible
Ёс суртахуун, нүгэл, уучлалын тухай шууд бэлгэдэл. Дүрийн дотоод гэмшил, итгэл, хүсэл хоорондын зөрчлийг илтгэдэг.
The Simpsons
The Bell Jar
Хошин өнгө аясаар дамжуулан орчин үеийн ганцаардал, нийгмийн дарамт, оюуны зөрчлийг харуулсан егөөдөл гэж болно.
Gilmore Girls
James Joyce’s Ulysses - Stuart Gilbert
Орчин үеийн уран зохиолын оргил бүтээл. Энэ номыг уншдаг дүрүүдийн ухаалаг хэл яриа, оюуны өндөр чадвар, соёлын сонирхлыг илэрхийлдэг.
