Украины сүмоч, энэ жилийн онцлох тамирчин Аонишики олон хүний анхаарлын төвд байгаа. Түүний талаарх мэдээллийг хайж сурагласан охид, бүсгүйчүүд тун олон.
Саяхан шинэ арслан “Sumo Kaboom Podcast”-д оролцож, дуу хөгжмийн сонирхлынхоо талаар ярилцлаа. Түүний сонсдог дууны төрөл, дуртай дуучны нэр үзэгчдийн гайхлыг төрүүлсэн байна.
Юуны өмнө барилдахын өмнө ямар ч дуу сонсдоггүй гэнэ. Тайван амгалан байдлаа хадгалж, сэтгэлээ хэт хөдөлгөхгүй байхын тулд юу ч сонсдоггүй. Харин бэлтгэлийн үед бол өөр, маш чангаар дуу сонсох дуртай. Рэп хөгжимд дуртай, хайртай дуучин нь АНУ-ын Lil Uzi Vert.
