Бидний хэлж заншсанаар “Евровидение-2026” (Eurovision Song Contest) дуу хөгжмийн тэмцээн энэ сарын 12-16-нд Австрид болох гэж байна. Энэ жил 70 дахь ойн уралдаанаа явуулж байгаа тус наадам нээлтийн ёслолоо хийлээ.
Вена хотод болсон тус ёслолын оюу өнгийн хивсэн дээр олон алдартан гарч ирснийг хотын дарга Михаэль Людвиг мэндчилэн угтаж байлаа. Энэ жил 35 орон оролцож байгаа нь 2025 оноос хоёр дахин бага байгаа. Ирланд, Исланд, Испани, Нидерланд, Словени улсууд Газын зурваст хоморголон устгах дайн явуулж байгаа Израилын дуучин оролцож байгааг эсэргүүцэн бойкот зарлажээ. “Евровидение” наадмаас бидний сайн мэдэх ABBA, “Чингис хаан” хамтлагууд болон дуучин Селин Дион нар алдар хүндийн замаа эхлүүлж байсан түүхтэй.
