Теннисийн энэ улирлын сүүлийн том тэмцээн болох "US Open” тэмцээний шөвгийн тоглолт болж, аваргууд тодорлоо. Эрэгтэй, эмэгтэй ганцаарчилсан төрөлд Александр Зверев, Елена Рыбакина нар түрүүлж, тэдний тоглолтыг үзэхээр олон алдартан цугларсан байлаа.
Холливудын алдартнууд дунд теннис байнга үздэг хорхойтон цөөнгүй бий. Найруулагч Спайк Ли, “Vogue” сэтгүүлийн ерөнхий редактор Анна Винтур, жүжигчин Брэд Питт, Рами Малек нар энэ жил "Ролан Гаррос”, “Уимблдон”, “US Open” Их Дуулга тэмцээн үзэж, “Australian Open”-д л очоогүй байна.
Энэ удаад 62 настай Питт өөрийн найз бүсгүй болох 33 настай швейцар бизнес эрхлэгч Инес де Рамонтой үзэгчдийн суудалд хамт сууж байлаа. Тэд эрэгтэй, эмэгтэй финалын тоглолтыг үзэж, сонирхсон. Хамтдаа олны өмнө бараг гардаггүй хосууд гэрэл зурагчдын гол бай болсон.
Жеймс Бондын нэгэн дүр болох Пирс Броснаныг шууд нэвтрүүлгийн найруулагч яг 7 дахь минутад дэлгэцээр цацсан.
Бразилын Роналдо, Пэрис Хилтон нөхөртэйгөө, боксчин, блогчин Жейк Пол найз бүсгүй, олимпын аварга Ютта Лардемтай мөн ирсэн байлаа.
Теннис нэг их үзээд байдаггүй жүжигчин Лесли Бибб, Эми Адамс, Элизабет Бэнкс нар мөн иржээ.
Дуучин Пинк, Оросын супер модель Ирина Шейк нар спортод дуртай.
Жүжигчин Мэттью Макконахи теннис үзэх их дуртай тул жижигхэн тэмцээнд ч байнга очдог. Тэр энэ удаад эрэгтэй хагас шигшээ тоглолт сонирхжээ. Түүний хамт анд найз Вуди Харрельсон байлаа.
