Дархлаажуулалтын III тунг хийлгэсний дараа өвдсөн бол эдгэснээс 21 хоногийн дараа IV тунг хийлгэнэ
Эрүүл мэндийн сайдын тушаалаар коронавирусийн халдварын эсрэг дархлаажуулалтын IV тунг өчигдрөөс эхлүүлээд буй юм. Ингэснээр дархлаажуулалтын III тундаа хамрагдаад гурван сарын хугацаа өнгөрсөн 18-аас дээш насны иргэд сайн дурын үндсэн дээр дархлаажуулалтын IV тунд хамрагдах боломжтой болсон. Харин нэмэлт III тундаа хамрагдаад коронавирусийн халдвараар өвдсөн иргэд эдгэснээсээ хойш 21 хоногийн дараа дархлаажуулалтын IV тунгаа хийлгэж болох аж.
Түүнчлэн он гарснаар 12 нас хүрч байгаа буюу 2010 онд төрсөн хүүхдүүд коронавирусийн халдварын эсрэг вакцины эхний тундаа хамрагдаж эхлэх юм. Мөн 18 нас хүрч буй иргэд дархлаажуулалтын III тунд хамрагдагдах боломжтой боллоо.