Гадаа цасаар хучигдан, цонхон цаана зөөлөн цас будрахад сэтгэл өөрийн эрхгүй сэргэдэггүй гэж үү? Цастай өдөр л мэдэрч болох сайхан мэдрэмжүүд юу гээч?
#1 Цастай өдөр хүн сайн унтаж амардаг
Цас ороход агаар цэвэршиж, цонхоороо цэнгэг агаар багахан оруулахад л та маш сайхан унтаж амрах болно. Судалгаагаар цас альцгеймерийн өвчин тусах магадлалыг бууруулж, биеийн дархлааг дэмжин, илүү нам унтан, сэргэг сэргэлэн сэрэхэд тусалдаг байна.
#2 Цастай өдөр агаар цэнгэг байдаг учир гадаа алхах, тоглох нь эрч хүч өгдөг
Бүгчим халуунд гадаа салхилахад толгой дүүрдэг бол сэрүүхэн цастайд гадаа цагийг өнгөрөөхөд эрч хүч өгч, хөдөлгөөн хийх тусам тархины үйл ажиллагаа сайжирдаг.
#3 Цастай үеэр хөнжилдөө шурган дуртай номоо унших нь стресс тайлдаг
Цас зөөлөн будрахыг цонхоор харангаа халуун уух зүйл ууж, дуртай номоо унших нь стресс тайлж, аз жаргалын гормоныг нэмэгдүүлдэг. Дулаахан хөнжилдөө шурган ном унших шиг сайхан зүйл үгүй ээ.
#4 Цас бидэнд бяцхан завсарлага авах чөлөө өгдөг
Цастай өдөр хотын гудамж цасанд хучигдан, замын түгжрэл үүсдэгээс болж олон хүн ажил хичээлдээ хоцордог. Гэвч бид өдөр тутмын хэв маягаасаа арай өөрөөр өдрийг эхэлж, багахан завсарлага авч, эргэн тойрноо, өөрийгөө анзаарах завдал чөлөөг энэ үед л мэдэрдэггүй гэж үү?
#5 Цастай үеэр гэртээ халуун шөл хийж уух хамгийн амттай байдаг
Цастай өдөр эхэлмэгц орой банштай цай хийж уумаар санагддаггүй гэж үү? Хүйтэн сэрүүхэн үеэр гэртээ халуун шөл хийж уух хамгийн амттай... Ялангуяа гэр бүлээрээ дулаахан чанартай цагийг өнгөрөөх сайхан.
#6 Цас хөгжилтэй!
Цасан хүн хийх, цасаар байлдах, цасанд алхах, цасан дээр зурах гээд л цастай хамт хийж болох хөгжилтэй зүйл их.
#7 Хаврын цас бол амин дэм л гэсэн үг
Хаврын цас хөрсөнд шингэж хаврын шинэхэн ургамал ногоонд амин дэм болдог. Цас будрахыг ажиглан тэнгэрээс унах зөөлөн цас хэрхэн хөрсөнд шингэж буй анзааран хараарай. Танд тайвшрал өгөх болно.
#8 Цас бидний дурсамж, мөрөөдлийг сануулдаг
Цастай өдрийн үнэр хүртэл өөр байдаггүй гэж үү? Цастай өдөр бид зөөлөн гуниглаж, өнгөрсөн ирээдүйн талаар хөнгөн бодолд автдаг нь үзэсгэлэнтэй...
