2 мин

Эйлон Паз: Пянз цуглуулагчид хөгжмийг илүү ойлгож, хүндэлдэг

Цуглуулгаа байнга арчилж, хамгаалж байх ёстой. Пянз сонсохдоо тавиад л орхиж ч болохгүй.

М.Сугар-Эрдэнэ 2018.04.18

Гэрэл зурагчин Эйлон Паз амьдралаа өөрчлөхөөр 2008 онд Израиль улсаа орхин, Нью-Йоркт очжээ. Эдийн засгийн хямрал эхэлсэн байсан тул хэцүү байлаа. Олсон ажил нь пянзны дэлгүүрийн худалдагч. Тэр дэлгүүрт л Пазад пянз цуглуулагчдын тухай төсөл хийх санаа төрсөн юм.
Паз маш олон төрлийн “пянзчидтай” таарч байсан. Бусдаас онцгой цуглуулгатай хүмүүс түүний анхаарлыг гойд татдаг байлаа. Жишээ нь, The Beatles хамтлагийн White Album цомгийг л цуглуулдаг хүн байхад “Sesame Street” л авдаг хүн байдаг. Пянз цуглуулагчид бүгд өөр өөр ч тэдний дунд нэг нийтлэг зүйл байгааг Паз анзаарсан.
“Пянз цуглуулна гэдэг MP3 хадгалахаас хавьгүй хэцүү. Үнэтэй, хүнд. Цуглуулгаа байнга арчилж, хамгаалж байх ёстой. Пянз сонсохдоо тавиад л орхиж ч болохгүй. Пянзанд анхаарал халамж хэрэгтэй. Пянз цуглуулагчид өөр хэнээс ч илүү хөгжмийг ойлгодог, хүндэлдэг хүмүүс байдаг” гэж Паз ярьж байна.

1. Жо Буссард Мерилэнд мужийн Фредерик хот дахь гэрийнхээ доод хонгилд маш ховор пянзаа үзүүлж байна. Түүний цуглуулга 60 жилийн хөдөлмөр.

2. 2011 онд Ганад тэр Филипп Осей Кодзе хэмээх 80 настай эртэй уулзсан. Кодзе пянз тоглуулагчаа эвдчихсэн тул 30 жил пянзаа сонсоогүй гэж байв. Зассаны дараа пянзаа сонссон түүний царайг хар.