Ширээний тоглоомын ертөнц сүүлийн жилүүдэд эрчимтэй өөрчлөгдөж, уламжлалт цаасан материалуудыг дижитал технологитой хослуулсан “hybrid” буюу холимог хэлбэрийн тоглоомууд эрчимтэй хөгжиж байна.
Тоглоом дизайны салбарт энэ нь шинэ чиг хандлага болж, тоглогчдод илүү гүнзгий, интерактив туршлага санал болгож эхэлжээ. Судалгаагаар дэлхийн ширээний тоглоомын зах зээл 2024 онд 12.2 тэрбум ам.долларт хүрсэн бөгөөд энэ өсөлтийн нэг гол шалтгаан нь аппликейшн дагалдсан тоглоомууд, виртуал орчин ашигласан шийдлүүд, өгүүлэмжид суурилсан интерактив системүүд юм.
Эдгээр тоглоомууд нь зүгээр л “таблет дээрх тоглоом” биш, харин ширээ тойрон сууж тоглох болон дижитал удирдлага гэсэн шинэ хосолмол хэлбэрийг бий болгож байна.
Alice is Missing
Энэхүү тоглоом нь уламжлалт RPG ойлголтыг бүрэн эвддэг.
3–5 тоглогчтой
Бүх тоглоом чимээгүй явагдана
Харилцаа зөвхөн мессежээр (WhatsApp, Discord гэх мэт)
Тоглогчид сураггүй болсон охины нууцыг тайлахын тулд чат ашиглан харилцдаг. Харин ширээ дээрх картууд нь түүхийн явцыг удирдах, шинэ үйл явдал нээх гол үүрэгтэй.
Chronicles of Crime — QR кодтой мөрдөгч тоглоом
Энэ тоглоом нь детектив жанрыг технологитой холбосон.
1–4 тоглогч
QR код бүхий картууд
Аппликейшнаар дамжуулан түүх өрнөнө
Онцлог:
QR код сканнердаж сэжүүр цуглуулах
VR ашиглан хэрэг болсон газрыг “харах”
Цагийн хязгаартай, хурдан шийдвэр гаргах
My Father’s Work
Илүү урт, нарийн төвөгтэй тоглоом бөгөөд цаг хугацаа, бодол, хүчин чармайлт их шаардана.
2–4 тоглогч
3 цаг үргэлжилнэ
Үе дамжсан өгүүлэмжтэй
Аппликейшн нь тоглогчдын шийдвэрийг хянах, дараагийн үйл явдлыг тодорхойлох үүрэгтэй.
Харин хэвлэмэл материал нь ном хэлбэрийн түүх, карт, дүрслэлүүдтэй.
Яагаад холимог тоглоом сонирхол татаж байна вэ?
Давуу талууд:
Илүү динамик өгүүлэмж, AI мэт ажиллах апп, дахин тоглох үнэ цэн өндөр
Цаас ба технологи бие биеэ орлож биш, харин нөхөж байгаа нь хамгийн онцлог. Ширээний тоглоомын ирээдүй нь зөвхөн карт, шоо биш болсон.
Харин гар дээр мэдрэгдэх бодит зүйл болон дэлгэц дээрх ухаалаг систем гэсэн шинэ хослол руу шилжиж байна.
