2 мин

"Single's Inferno" солонгосчуудын арьс өнгөөр ялгаварлах үзлийг харууллаа хэмээн шуугьж байна

О.Анхзаяа 2022.01.20 4 2 1

Netflix-ийн сүүлийн үед хамгийн алдартай байгаа "Single's Inferno" шоу олон орны үзэгчдээс шүүмжлэл хүртэж эхлээд байна. Учир нь нэвтрүүлгийн үеэр оролцогчид олон удаа "Цагаан арьстай, гэрэлтсэн арьстай" гэх үсгийг хэрэглэжээ.

Түүгээр ч зогсохгүй оролцогч О Жин Тэкийн инстаграмдаа ашигласан эможинууд хүмүүсийг ихээхэн бухимдахад хүргэж, бөөн асуудал үүссэн юм. 

Учир нь тэрээр хар арьстай хүний эможинуудыг ашиглаж байсан бөгөөд энэ нь үзэгчдэд эмзэг тусжээ. Хүмүүс түүнийг оролцогч Кан Су Ёныг дооглох маягаар хэрэглэж байна хэмээн үзсэн. Эсвэл тэрээр өөрийн бор арьстай байгаагаа ийн ёжлон үзүүлж буй нь онцгүй байна хэмээн харсан байна.

Оролцогч Шин Жи Ёныг анх орж ирэхэд хүмүүсийн хүлээж авсан байдал, түүний тухай хэлсэн үгийг хүмүүс онцолжээ.

Оролцогч Мун Сэ Хүн "Түүний арьс үнэхээр цайвар, гэрэлтсэн" хэмээж байсан.

Үүний дараа нь түүнийг хүмүүс арьсны өнгөөр ялгаварладаг хэмээсэн юм. Анх хэлсэн үг нь ч мөн яг л ийм утгатай байжээ.

"Тэр үнэхээр цагаан, үнэхээр ариухан санагдсан. Түүний тухай миний анхны сэтгэгдэл энэ байсан."

Гэвч зөвхөн тэр арьсны өнгөний тухай дурдсан нь биш байжээ.

Оролцогч Чой Си Хун "Би цайвар гэрэлтсэн арьстай хүмүүст дуртай" хэмээн Шин Жи Ёны тухай хэлж байсан юм. 

Энэ мэт үйлдлүүд нь олон улсын үзэгчдийг гайхахад хүргэсэн бөгөөд Солонгос улсад цагаан арьсыг сайхан гэж боддог, бусад өнгийн арьсыг үл тоодог, онцгүй хэмээн боддог гэсэн дүгнэлтэд хүрэхэд нөлөөлжээ.

Хүн ам нь тэр чигтээ цагаан цайвар арьсыг сайханд тооцдог, ийм байхыг сурталчилдаг хэмээж байна. Мөн нэвтрүүлгийн дийлэнх оролцогчид ч мөн цайвар цагаан арьстай хүмүүс байсан гэжээ.

Гол нь энэ тухай саяхныг болтол хэн ч чухалчилж авч үзээгүй байсан бөгөөд "Netflix Korea"-гийн Дэд Ерөнхийлөгч Кан Дон Хан "Өмнөд Солонгост бол зүгээр ч, бусад улс орнуудад тийм биш" хэмээн хэлжээ.

"Ийм л учраас энэ тал дээр маш мэдрэмжтэй, судалгаатай байх хэрэгтэй байгаа юм. Гарцаагүй чухалд тооцох ёстой зүйл. Заримдаа би (Netflix Korea) өөрсдөө дуу оруулга, орчуулгаа хийдэг. Заримдаа бид гуравдагч байгууллагуудтай хамтардаг. Би энэ бүхнийг суралцах ёстой, бас бидний илүү сайжрах ёстой тал хэмээн үзэж байна" гэжээ.

О.Анхзаяа 2022.01.20