2 мин

Ямар ч сэдвээр цогц мэдлэг өгөх "10 номын дүрэм"

Г.Сүрэн 2023.03.21 1

4

"Хэнд ч хэрэггүй 100 ном уншсанаас шилмэл 10 ном уншсан нь дээр" гэх үг бий. Өнөөгийн дэлхийн номын зах зээлд 156 сая гаруй ном бүртгэлтэй буйгаас зөвхөн танд тухайлсан нэг сэдвээр "ид шидээ" хангалттай үзүүлж чадах шилдэг 10 номыг л сонгон унших "10 номын дүрэм"-ийг танилцуулъя. 

Яагаад "10 номын дүрэм" гэж? 

• Аливаа сэдвийн дагуу түүврийн аргаар сонгосон "наад захын" номууд танд тусалж чадахгүй. Жишээ нь, уран зургийн түүх судлахын тулд зөвхөн сэргэн мандалтын үеийн түүхийг судлах нь хангалтгүй, уран зургийн бүх хүрээг хамарсан чанартай бүтээлүүдийг сонгох нь чухал. 
• Ерөнхий утга агуулгыг нь ойлголоо гээд юуг ч бүрэн судалж чадахгүй. Гэхдээ хамгийн шилдэг 10 номыг сонгож чадвал та хангалттай чадна. 
• Хамгийн чухал нь өөр хоорондоо гол санаа нь давхацсан олон ном уншсанаас олон ургалч, цогц санаа мэдлэг өгч чадах ном унших хэрэгтэй.
• Хувь хүний хөгжлийн тухайд, хэрэгжүүлэх боломжгүй, цаг үе нь өнгөрсөн, "хөрсөн дээр буугаагүй" ном уншсанаас яг одоо ч амьдралдаа хэрэгжүүлж, суралцаж болох үр өгөөжтэй ном илүү дээр.

10 номоо хэрхэн сонгох вэ? 

1. Шилдэг их дээд сургуулийн хамгийн сүүлийн үеийн сурах бичиг. Сурах бичгүүд байнга шинэчлэгдэж, шинэ судалгаа бүтээлээр баяжиж байдаг учир хамгийн их үнэн бодитой мэдлэг агуулсан байдаг. 

2. Нэг сэдвийн дагуу хийгдсэн академик судалгаат ном. Ном маш нарийвчилсан сэдэвтэй байх тусмаа үнэн бодитой мэдлэг өгч чаддаг. Жишээ нь, "Эрүүл амьдралын дадал" гэх мэт ерөнхийлсөн сэдэвтэй ном бус "Амьсгал агаар болохуйд", "Зуршлын хүч" гэх мэт тухайлсан сэдвийн дагуух судалгаатай ном уншаарай. 

Хэрвээ таны сонирхож буй сэдвийн дагуу судалгаатай ном байхгүй бол сүүлийн үеийн тойм өгүүллүүд бүхий номыг сонгоорой. 

3. Салбарын хамгийн чадварлаг хүний бичсэн, эсвэл санал болгох ном. Олон тийш "үсчиж" зах зухаас нь мэдэж авахаас илүүтэй бүрэн цогц мэдлэгтэй болохын тулд тухайн салбарын хамгийн "хүнд гар"-ын номыг барьж авах хэрэгтэй.

Эх сурвалж: Business Insider 

Г.Сүрэн 2023.03.21

4