2 мин

Интроверт хүмүүс хамгийн гүн дурлаж бас хайрладгийг батлах 6 баримт

О.Анхзаяа 2023.03.31 8

12

Интроверт хүмүүс маш гүн, мэдрэмжтэй байдгийн нэгэн адил хайранд ч мөн тийм хандах болно. Таны мэдэх ёстой 6 зүйлийг сонирхуулж байна.

1. Тэд хайрлаж дурлахдаа ихээхэн болгоомжтой ханддаг бөгөөд хүнд дурлах нь тэдний хувьд үнэхээр бэрх гэж ойлгож болно. Харин тэд хэн нэгэнд дурлахад тэр нь үнэхээр онцгой бас чухал явдал болдог. Маш их болгоомжилж байж хийсэн шийдвэр учраас хөнгөн хуймгай зүйл биш ээ л гэсэн үг. Нэг шулуудсан зүйлдээ бүрэн шулуудах тийм л хүмүүс.

2. Тухтай бүсээсээ гарна. Өөрсдийн дассан орчин, нам гүм байдал, таалагддаг бүх зүйлээс холдох шаардлага гарвал тэд хайртай хүнийхээ төлөө тэгж чадна. Хэн нэгэнтэй яриа эхлүүлэхэд, олон хүн бужигнасан газар байх хэцүү байлаа ч тэд хайртай хүнийхээ төлөө үүнийг чаддаг. 

3. Хөнгөн, хоёрын хооронд яриа гэж байхгүй. Тэд утга учиртай зүйлийг ярилцахыг тэмүүлэх болно. Сэтгэлээ нээж, бас нөгөө хүнээ сонсож, ойлгож, илүү зүрхэнд ойр дулаан яриа өрнүүлэхийг ямагт хичээдэг. Тэд өөрсдийнхөө тухай ярихдаа тааруухан байдаг ч үнэхээр зөв хүнээ олсон гэж бодсон үедээ өөрийгөө нээдэг. 

4. Тэдний үйлдэл илүү чухал байдаг. Жинхэнэ утгаараа үйлдлээрээ харуулна гэдгийг үзүүлдэг гэж ойлгож болох юм. Тэд хоосон худал үг хэлэхгүй харин өөрсдийн хайр, мэдрэмжийг жижигхэн ч атугай үйлдлүүдээр харуулдаг. 

5. Удаанаар бас тогтвортой хайрлана. Тэд аливаа зүйлд яарах дургүй шигээ хайранд ч бас нухацтай хандах болно. Тиймээс эхлээд тэднийг яаруулахгүй байх хэрэгтэй. Тэд удаанаар дотносохдоо маш тогтвортой гүн дурлаж байдаг. 

6. Тэд таны мэдрэмжийг хүндэлнэ. Өөрсдөөсөө илүү бусдыг, таныг бодох учраас тухгүй, хэцүү үедээ ч тэр хүнд найдаж болно гэсэн үг. Хүндлэл, хувийн орон зай, цаг мөчийг ойлгох тал дээр тэд үнэхээр нухацтай ханддаг учир хамт байхдаа тухтай, өөрийнхөөрөө байж болно гэсэн үг. Тэд үүн шигээ бусдаас ч бас адилхан зүйл хүсдэг. Нэгнийхээ мэдрэмжийг ойлгож, таны мэдэрч буйг хэлүүлэхгүй мэдэрч чадна гэдэг нь үнэхээр гайхалтай.

О.Анхзаяа 2023.03.31

12