Гар утасны тоглоомоос хол хүмүүсийн нүдээр чухам юу болоод байгаа нь ойлгомжгүй мэт боловч жинхэнэ сонирхогчдодоо бол дайны талбар дахь стратеги, багийн шийдвэр гаргалт, “Item build” зэрэг анхаарал татах зүйл ихтэй Mobile Legends Bang Bang-ийн тухай өнөөдөр ярья. Учир нь Монгол улсаас анх удаа энэ тоглоомын төрлөөр Дэлхийд өрсөлдөх баг тодрох гээд байна шүү дээ.
Дэлхийн “од” тоглоом Mobile Legends: Bang Bang
Гар утасны тоглоом хөгжүүлэгч “Moonton” компани нь Шанхайд төвтэй бөгөөд хамгийн анх 2016 онд Mobile Legends: Bang Bang тоглоомынхоо эхний хувилбарыг гаргаж байжээ. Тэр цагаас хойш тасралтгүй хөгжүүлэлт, сайжруулалтыг хийсээр зөвхөн улсдаа төдийгүй тивдээ, бүр цаашлаад дэлхийн 130 улсад хамгийн эрэлттэй тоглоомуудын нэг болов.
MLBB-ийн M series
Бидний мэдэх видео тоглоомууд ердийн нэг зугаа гаргах хэрэгсэл биш, бүр спортын нэг төрөл болтлоо хөгжөөд буй энэ цагт MLBB ч бас Дэлхийн аваргаа шалгаруулдаг юм байна. “Moonton” нь жил бүр M series тэмцээнийг зохиодог бөгөөд жил ирэх тусам шагналын сан нь нэмэгдэж, оролцох багийн тоо ч ихэссээр байна.
Монголоос M5 руу...
Харин энэ жил болох M5 тэмцээнд анх удаа Монгол баг оролцох болжээ. Чухам ямар хүмүүс улсаа төлөөлж өрсөлдөх вэ гэдэг нь ESN | eSports Network-ийн зохион байгуулдаг National Championship тэмцээнээс тодорхой болох юм. Тус тэмцээний MLBB төрлийн бүртгэл яг одоо явагдаж байгаа шүү. Хэрэв сонирхож байвал ЭНД ДАРЖ бүртгүүлэх боломжтой.
ESN – National Championship гэж юу вэ?
Монголын и-спортын салбарыг хөгжүүлэх зорилготой, уг спортыг сонирхдог хүүхэд залуусын эрх ашгийн төлөөх платформ болох ESN буюу eSports Network нь хоёр дахь жилдээ “National Championship” тэмцээнээ амжилттай зохиож байна. Харин энэ жил албан ёсоор Moonton-той хамтын ажиллагаа эхлүүлснээр энэ гайхалтай гарц, боломж нээгдэж байгаа юм шүү дээ.
Үүнийг уншиж буй та бүхэн заавал улсаа төлөөлөхүйц мундаг байж л ESN National Championship-т оролцоно гэж бүү эндүүрээрэй. Учир нь тэмцээний шагналын сан нь урьд өмнө байгаагүй өндөр буюу 35.000.000₮ болсон учир үзээд алдахад гэмгүй шүү дээ. Мөн бүртгэлийн хураамжгүй, оролцох багийн тоо ч хязгааргүй.
