"The Simpsons", "Rick and Morty"-г бүтээлцсэн хүмүүсийн нэг гэдгээрээ "Emmy Awards"-ийг хэд хэдэн удаа хүртэж байсан анимейшн продюсер Майкл Мендель 54 насандаа өөд боллоо.
1989-1999 оны хооронд тэрбээр "The Simpsons" анимейшний нийт 207 анги дээр ажиллаж, "Emmy Awards"-ийг гурван удаа буюу 1995, '97, '98 онуудад хүртсэн юм.
Түүний эхнэр Жюль Бестроп түүний үхлийг ямар нэгэн гаднын нөлөөгүй хэмээн мэдэгдсэн билээ.
Тэр уг салбарт нийт 25 гаруй жил ажиллаж, үеийн болон залуу уран бүтээлчдийг ч ихээр дэмжиж, тусалдаг байжээ. "Rick and Morty"-г хамтран бүтээсэн Жастин Ройланд твиттер дээрээ "Майк хажууд минь байхгүй болсон болохоор би цаашид яахаа үнэхээр мэдэхгүй нь. Би үгүй болох шиг боллоо" хэмээн жиргэжээ.
