Каннд 78 дахь удаагийн олон улсын кино наадам эхэллээ. Энэ удаад 22 кино гол шагналын төлөө өрсөлдөж байгаа бөгөөд хэд хэдэн анхаарал татсан кино нээлтээ хийнэ.
Шүүгчдийг Францын жүжигчин Жюльетт Бинош ахалж, бүрэлдэхүүнд нь найруулагч Хон Сан Су, Карлос Рейгадас, Паял Кападиа, жүжигчин Жереми Стронг, Холли Берри, Альба Рорвахер, зохиолч Лейла Слимани нар багтжээ.
Энэ жил Канны кино наадам улаан хивсний ёслолын дресс-код гаргаж, хэт нүцгэлэхгүй байх, цээжээ ил гаргах, зочдод саад болсон асар том гоёл, чимэглэл хэрэглэхийг хориглосон билээ. Энэ нь олон загвар зохион бүтээгч, жүжигчдийг шокт оруулсан гэнэ. Наадмын нээлт дээр кино урлагт байгуулсан гавьяаг нь үнэлэн, Роберто Де Нирод тусгай шагнал гардуулсан.
