“Хильма” (2022) хэмээх кино бол Шведийн алдарт уран бүтээлчийн дотоод ертөнцөөр аялах орчин цагийн уран сайхны кино юм. Алтан хальс ТББ, Монгол дахь EUNIC кластер хамтран 6 сарын 7-нд буюу энэ бямба гарагт Тэнгис кино театрт та бүхэндээ зориулан үнэгүй толилуулах гэж байна.
1. Орчин үеийн абстракт урлагийн түүхийг дахин бичсэн эмэгтэй
Хильма аф Клинт бол 20-р зууны эхэнд эрэгтэй төвтэй урлагийн ертөнцөд өөрийн урсгалыг бий болгосон анхдагч эмэгтэй уран бүтээлч юм. Түүний амьдрал бол зөвхөн урлаг төдийгүй эмэгтэй хүний зориг, сорилт, уран бүтээлээ хамгаалах тэмцлийн тухай түүхийн нэгэн онцгой хэсэг юм.
2. Найруулагч Лассе Халльштрёмийн уран мэдрэмж
"Chocolat", "Hachiko", “A Dog’s Purpose” зэрэг сэтгэл уярам, ухаарал төрүүлдэг киногоороо алдартай найруулагч Лассе Халльштрём энэ бүтээлээрээ дахин бидний сэтгэлийг татаж чадна. Хильмагийн дотоод ертөнцийг дүрсэлсэн найруулга, өнгө зохицол нь урлагийн кино сонирхогчдыг баясгана.
3. Эмэгтэйчүүд, уран бүтээлчид, нууцлаг ертөнц
Кино нь зөвхөн Хильмагийн уран зургуудын тухай биш. Энэ бол хүний итгэл үнэмшил, сүнслэг эрэл хайгуул, нөхөрлөл, хайр дурлалын түүх. Эмэгтэй уран бүтээлчдийг хэрхэн үл үзэгдэгч мэт болгож ирсэн нийгмийн дүр зургийг ч сөхөн харуулна. Хэрэв та урлагт хайртай нэгэн бол заавал үзээрэй.
4. Өнгө, дүрслэл, симболизм — зургийн цаадах гүн гүнзгий агуулга
Киноны хамгийн хүчтэй тал нь Хильмагийн уран бүтээлүүдийн цаадах утга, бэлгэдлийн тухай үзэгчдийг өөрийнхөөрөө тунгаахад уриалдагт оршино. Урлагт хайртай хэн бүхэнд энэ кино сэтгэлийн тэжээл болно.
5. Үнэгүй үзэх боломж – Европын соёлын өдөрлөгийн онцлох үйл явдал
Монгол дахь EUNIC кластер, Алтан хальс ТББ-аас зохион байгуулж буй Dreamers’ Day үзвэрийн хүрээнд уг киног үнэ төлбөргүй үзэх боломжтой. Европын соёл, уран сайхны кинонд дурлагсдад зориулсан ховор боломж. Кино нь Швед хэл дээр боловч Монгол хадмалтайгаар гарна. Тиймээс Хильмагийн философи, сэтгэлгээ, дотоод зөрчлийг гүнзгий ойлгож, мэдрэхэд хэлний бэрхшээл үүсэхгүй.
Үзвэрийн дэлгэрэнгүй:
Өдөр: 6 сарын 7 (Бямба гараг)
Цаг: 16:00
Хаана: “Тэнгис” кино театр
Тасалбар: Үнэгүй
Хугацаа: 2 цаг
Хэрвээ та урлагт дуртай бол, энэ киног битгий алдаарай. ЭНД дарж дэлгэрэнгүй мэдээлэл аваарай.
