Казахстаны Астана хотод боксын World Boxing холбооны Дэлхийн Цомын тэмцээн болж өнгөрлөө. Тэмцээнд нийт 29 орны 250 тамирчин өрсөлдсөнөөс нутгийн эзэд илт илүүрхлээ. Казахстаны баг 8 алт, 4 мөнгө, 4 хүрэл медаль авч, тэргүүлсэн. Энэ тэмцээнээс тамирчид олимпын эрхийн оноо авсан юм.
Казахстаны Ерөнхийлөгч Касым-Жомарт Токаев шигшээ багийн тамирчидтайгаа уулзаж, баяр хүргэлээ. Тэрээр “Ялалт байгуулсанд баяр хүргэе. Боксоор сэтгэлийн хүчтэй хүмүүс л хичээллэдэг. Энэ бол онцгой спортын төрөл. Улсаас та бүхнийг үргэлж дэмжих болно. Бокс цаашдаа ч манай оронд хөгжинө гэдэгт итгэлтэй байна” гэж хэлжээ.
Дэлхийн Цомын багийн дүн:
1. Казахстан — 8 алт – 4 мөнгө – 4 хүрэл
2. Бразил — 4-2-1
3. Энэтхэг — 3-5-3
4. Австрали — 1-1-1
5. Узбекистан — 1-0-4
6. Франц — 1-0-3
7. Норвеги — 1-0-0
7. Финланд — 1-0-0
9. Турк — 0-2-6
10. Япон — 0-1-2
10. АНУ — 0-1-2
12. Болгар — 0-1-1
12. Герман — 0-1-1
12. Монгол — 0-1-1
15. Филиппин — 0-1-0
16. Азербайжан — 0-0-3
16. Англи — 0-0-3
18. Кыргызстан — 0-0-1
18. Нигери — 0-0-1
18. Польш — 0-0-1
18. Тайвань — 0-0-1
18. Доминикан БНУ — 0-0-1.
