Зуны өдрүүдийг хотоос хол, хөдөө хээрийн салхинд өнгөрүүлэх шиг сайхан зүйл ховор. Гэхдээ байгалийн сайхныг мэдэрч явахдаа арьсаа хайрлахгүй бол буцаж ирэхэд танигдахгүй болтлоо “борлосон”, бүр түлэгдсэн байх нь бий. Хөдөөний нар хотынхоос илүү “шууд” тусдаг учраас хамгаалалт илүү чухал.
Харлахгүй байх гэдэг нь зүгээр нэг цайвар өнгөө хадгалах тухай биш, харин арьсаа эрүүл, зөөлөн, толигор хэвээр нь авч үлдэх тухай юм. Тэгвэл хөдөө явах гэж байгаа бол дараах 10 зөвлөгөөг анхаараарай.
1. Нарны идэвхтэй цагийг аль болох тойр
Нар 11:00–15:00 цагийн хооронд хамгийн хурцаар ээдэг. Харин та аяллаа өглөө эрт эхлүүлж, хамгийн халуун цагт майхандаа шүлэг бичиж, амарч суух юм бол хамаагүй тухтай. Нэмээд, орой нар буух цагийг сайн ашиглаж авах хэрэгтэй.
2. Сүүдэр дагаж амьдрах
Сүүдэр байгаа л бол тийшээ суу. Машинаа модны доор тавь. Нарнаас хамгаалах шүхэр байнга авч яв.
3. Нарны тосоо мартаж болохгүй
SPF 30-аас дээш хамгаалалттай, хэт ягаан туяанаас хамгаалдаг (UVA, UVB) нарны тосыг хөдөө явахдаа 2-3 цаг тутамд дахин түрх. Бороо орж, усанд орсон ч түрхэхээ мартуузай. Нарны тос бол аяллын хамгийн чухал гоо сайхны бүтээгдэхүүн.
4. Арьс “баярлуулдаг” хүнс ид
Усан үзэм, улаан лооль, ногоон цай, хар шоколад зэрэг бүтээгдэхүүнүүд антиоксидантаар баялаг учраас арьсыг нарнаас хамгаалдаг. A, C, E амин дэмтэй хоол хүнс буюу лууван, жүрж, ногоон навчит ургамал, самар нь арьсыг нарны нөлөөнд тэсвэртэй болгодог. Нарны “дотроос ирэх” хамгаалалт гэж ойлгож болно. Нэмээд наранд түлэгдэхээс сэргийлж, арьсны өнгө жигд хадгалагдана.
5. Янз бүрийн материалтай хувцас өмсөхөөс зайлсхийх
Нарны туяа зарим хувцасны материалаар шууд нэвт гэрэлтдэг. Ялангуяа нийлэг даавуу (Полиэстер) нь таны арьсыг хамгаалж байгаа мэт боловч үнэндээ улам шарагдахад тусалж байдаг. Харин хөвөн даавуун, сул загварын хувцас л жинхэнээсээ хамгаалдаг.
6. Уруул ч бас арьс гэдгийг санах
Хэт ягаан туяа зөвхөн нүүр биш, уруулыг ч хатааж, түлдэг. SPF агуулсан уруулын тос, чийгшүүлэгч хэрэглэж хэвшээрэй.
7. Ус уухаа бүү орхигдуул
Арьсны хамгийн том хамгаалалтуудын нэг бол дотроосоо чийгшүүлэх. Нарны халуун, их хөдөлгөөнөөс болж их хэмжээгээр хөлөрдөг тул өдөрт дор хаяж 2-3 литр ус уухыг хичээгээрэй.
8. Цайвар, өргөн малгай бол таны супер хамгаалагч
Нүүр, хүзүү, чихийг бүрэн халхалсан өргөн хүрээтэй малгай өмсөх нь нарны шууд туяанаас хамгаалж өгдөг.
9. Нүдэндээ анхаар
Нарны шил зүүх нь нүдний эргэн тойрон дахь эмзэг арьсыг хамгаалж, үрчлээ үүсэхээс сэргийлдэг.
10. Аяллын дараа арьсаа тайвшруул
Хөдөө амарч ирээд нүүрээ зөөлөн цэвэрлэж, чийгшүүлэгч маск тавих, зуун настын гел хэрэглэх зэрэг нь арьсыг нөхөн сэргээхэд тусална. Тайвшруулж, хэт халсан арьсыг сэрүүцүүлэхээ мартаж болохгүй.
