Сагсан бөмбөгийн Азийн эмэгтэйчүүдийн Аваргуудын лигийн тэмцээн 9-р сарын 23-нд эхэллээ.
БНХАУ-ын Донгуан хотноо явагдаж буй уг тэмцээний нээлтийн тоглолтод “Улаанбаатар Амазонс” болон “Донгуан” багууд хүч сорьсон.
Энэхүү тоглолт 90:74 харьцаатай талбайн эздийн ялалтаар өндөрлөлөө.
“Донгуан”-ы Америк легионер Алия Коллиер 22 оноогоор багийнхнаа тэргүүлсэн бол “Амазонс”-оос Кайли Труонг, Робинсон нар тус бүр 25 оноог цуглуулсан юм.
Харин монгол тоглогчдоос О.Хулан, Б.Ариунцэцэг нар тус бүр 11 оноог, Б.Болор-Эрдэнэ 2 оноо авчээ.
“Улаанбаатар Амазонс” багийнхан хэсгийн сүүлчийн тоглолтоо 9-р сарын 25-ны өдөр Тайванийн “Катай Лайф” багийн эсрэг хийнэ. Тайванийн багийн тухайд, өнгөрсөн жил энэхүү тэмцээнд финалдсан юм.
