Цахим спортын “BC.Game” баг Монголын тамирчин Азбаяр "Senzu" Мөнхболдын зээлийн хугацаа дууссаныг зарлаж, түүнтэй салах ёслол гүйцэтгэлээ. Багийн албан ёсны твиттер хуудсанд Senzu-д багт нь байсанд, “The MongolZ” багт тоглогчоо өгсөнд нь талархал дэвшүүлсэн байлаа.
Одоогийн байдлаар “BC.Game” баг гуравхан хүнтэй үлдээд байна.
Денис "electroNic" Шарипов;
Александр "s1mple" Костылев;
Виктор "TaZ" Войтас (дасгалжуулагч).
Senzu “BC.Game” багт дөрөвдүгээр сард шилжсэн. Тус багийн бүрэлдэхүүнд IEM Atlanta 2026, CS Asia Championships 2026 тэмцээнд оролцсон ч баг амжилт гаргаж чадаагүй. Ийнхүү “BC.Game” багт 55 хоноод гэрээтэй “The MongolZ” багтаа буцан ирлээ. Тэрээр цаашид ямар багт тоглох нь тодорхойгүй байна.
