Өөр өөр ДАШТ-д, хэдэн арван жилийн зайтай ч хөлбөмбөгийн ДАШТ-ий талбай дээр гарч байсан аав, хөвгүүд бий. Зарим нь өөр өөр шигшээ багт хүчин зүтгэж байсан ч хөлбөмбөгийг хайрлах хайр нь ижилхэн байлаа. ДАШТ-д оролцож байсан аав хүүгийн 30 тохиолдол байдаг. Тэдний бараг тал хувь нь 2026 оны ДАШТ-д оногдож байна.
Норвегийн шигшээ багийн бүрэлдэхүүнд 1994 оны ДАШТ-д оролцож байсан 3 эрхмийн хүү багтсан байгаа. Эрлинг Холандын аав Альфе Инге Холанд, Александр Сорлотын аав Горан Сорлот, Кристиан Торстведтын аав Эрик Торстведт нар 1994 онд мөр зэрэгцэн тоглож байсан юм.
Францын алдарт Тюрамын гэр бүл. 1998 оны дэлхийн аварга, гурван ДАШТ-д зодоглосон хамгаалагч Лилиан Тюрамын хүү Маркус Тюрам энэ ДАШТ-д оролцож байна. Харин Зинедин Зиданы хүү Люка Зидан аавынхаа Францыг биш өвөг дээдсийнхээ нутаг Алжирын багт дуудагдсан байгаа.
1998 оны ДАШТ-д оролцож байсан Аргентины Диего Симеоне, Пабло Пас нарын хүү Жулиано Симеоне, Нико Пас нар ч энд ирээд байна.
Шинэ Зеландын тоглогч Тайлер Биндон авьаяас чадвараа ээжээсээ өвлөн авсан. Түүний ээж Женни Биндон 2007, 2011 оны ДАШТ-д оролцож байжээ.
