“BC.Game” багт нэгдээд удаагүй байгаа Австралийн Тайсон “asap” Патерсон шинэ багийнхаа талаар сэтгүүлчдэд ярьжээ. Тэрээр Александр “s1mple” Костылевыг шүтэн биширдгээ нуусангүй.
Тайсон “asap” Патерсон “S1mple бол CS-ийн түүхэнд хамгийн шилдэг нь. Зүгээр л машин гэсэн үг. Бэлтгэл дээр түүний юу хийж байгааг хараад алмайрахаас өөр аргагүй. Миний хамт тоглож байсан хамгийн сайн тоглогч бол тэр. Ялахын тулд хэнийг ч алахад бэлэн мэтээр тоглодог нь надад таалагддаг. Дасгалжуулагч TaZ надад маш олон зүйл зааж өглөө. Энэ багт ирээд 7 хонохдоо би тоглоомны талаар маш их мэдлэгтэй болсон байлаа. Хуучин багт байснаас миний үүрэг өөрчлөгдсөн ч багийнхантайгаа гар нийлж байгаа” гэжээ.
“BC.Game” баг өнөөдөр Шведэд эхлэх “Journey Autumn 2026” тэмцээнд оролцож байна.
