ХӨТӨЧ: "Улаанбаатар марафон"-д оролцох хүмүүсийн мэдэх ёстой БҮХ ЗҮЙЛ

“Улаанбаатар - Марафон” олон улсын арга хэмжээ 2016 оны зургаадугаар сарын 04-ний өдрийн 09.00 цагт Их эзэн Чингис хааны нэрэмжит талбайд болно.

Гүйлт: Их эзэн Чингис хааны нэрэмжит талбайгаас гараанаас гаргаж, тус бүрийн маршрутаар гүйж Их эзэн Чингис хааны нэрэмжит талбайд барианд орно. 

·       42 км 195 м /18-аас дээш насны зөвхөн тамирчдын дунд/

·       21 км 095 м /18-аас дээш насны, зөвхөн тамирчдын дунд/

·       10 км /18-аас дээш нас /зөвхөн сонирхогчдын дунд/

·       5 км /12-17, зөвхөн сонирхогчдын дунд/

·       5 км /18-35, зөвхөн сонирхогчдын дунд/

·       5 км /36-54, зөвхөн сонирхогчдын дунд/

·       5 км /55-аас дээш насны, зөвхөн сонирхогчдын дунд/

·       1500 м /хараагүй, тэргэнцэртэй хөгжлийн бэрхшээлтэй иргэдийн дунд/

·       1500 м /гэр бүлийн дунд/

Бүртгэлд хамрагдах гүйгчид иргэний үнэмлэх болон өөрийн төрсөн он, сар, өдрийг баталгаажуулах бичиг баримт, тухайн тамирчны оролцох зайд гүйж болохыг зөвшөөрсөн эмчийн бичиг, гадаадын тамирчид эрүүл мэндийн даатгал зэргийг авч ирнэ.

Тэмцээний өдөр бүртгэл хийхгүй аж. “Улаанбаатар – Марафон” олон улсын гүйлтэнд оролцохоор гадаад орноос болон хөдөө орон нутгаас ирж байгаа урьдчилан бүртгүүлсэн тамирчдад 2016 оны 06 дугаар сарын 04-ний өдөр 07:00 – 08:00 цагт энгэрийн дугаарыг нь олгоно.

 VI сарын 03-ныг дуустал бусад зайд оролцогчдыг 

• Нийслэл, дүүргүүдийн

• Биеийн тамир, спортын газар, хороод

• Нийслэлийн Боловсролын газар

• Монголын Хөнгөн атлетикийн холбоо

• Монголын Хэт холын Марафон гүйлтийн холбоо

• “Ар Монгол трайвэл” групп ("Ар Монгол трайвэл" групп нь гадаад хүмүүсийг өөрийн байрандаа бүртгэнэ.)

• Монголын Залуучуудын холбоо

• Монголын Оюутны холбооны байранд тус тус бүртгэнэ.

Гүйлтэнд оролцох хүмүүс дээрх газруудад биеэр ирэх эсвэл www.ub-marathon.ub.gov.mn  хуудас руу хандаж бүртгүүлж болно.

- 1.5 км, 5 км зайд оролцох хүмүүс төлбөрийн хураамжаас сонголт хийх боломжтой. 2000 төгрөг (зөвхөн энгэрийн дугаар), 20000 төгрөг (энгэрийн дугаар, футболк, малгай)

- 10 км-ээс дээш зайд оролцох хүмүүс 20000 төгрөг төлнө.

·      Хураамжаа төлсөн гүйгчдийн бүртгэлийг баталгаажуулж энгэрийн дугаар, футболк, малгай олгоно. Хураамж төлөөгүй гүйгчдэд энгэрийн дугаар олгохгүй бөгөөд дугаар аваагүй гүйгчдийг барианд барихгүй ба амжилтыг тооцохгүй. Мөн эрүүл мэндийн үйлчилгээ тусламжийг авах боломжгүй.

·      Хагас, бүтэн марафон гүйлтэнд оролцогчид гараанд гарахаас өмнө эмчийн  хяналтад хамрагдан даралтаа хэмжсэн байна. Бусад зайд гүйгчид гүйлт болохоос 3 хоногийн дотор эмчийн үзлэгт хамрагдан зүрхний цохилт, даралтаа хэмжүүлсэн байна.

·      Чингисийн талбай руу орох, гарах хөдөлгөөнийг 8:30 минутад хязгаарлан хаах тул гүйлтэнд оролцогчид Их эзэн Чингис хааны нэрэмжит талбай, гарааны шугамын ард 8:30 минутаас өмнө ирж байрлалаа эзэлсэн байна. Гүйгчдийн  бүртгэлд хамрагдсан дарааллыг харгалзан гарааны шугамны ард байрлуулна.  

Марафон гүйлтэд 1-3 дугаар байр эзэлсэн тамирчдыг алт, мөнгө, хүрэл медаль, өргөмжлөл, мөнгөн шагналаар  шагнана.

Хагас буюу бүтэн марафоны 21095 м, 42195 м зайд гүйж эхний 1-3 дугаар байрт шалгарсан тамирчдад алт, мөнгө, хүрэл медаль, мөнгөн шагнал, өргөмжлөлөөр, 4-10 дугаар байр эзэлсэн гүйгчдийг дурсгалын медаль, өргөмжлөл, мөнгөн шагналаар шагнана.

Бүтэн марафон /42195 м/ гүйлтийн шагнал:    

Хагас марафон /21095 м/ гүйлтийн шагнал:    

5000 м, 10000 м зайд гүйж эхний 1-3 дугаар байрт шалгарсан эрэгтэй, эмэгтэй тамирчдыг өргөмжлөл, алт, мөнгө, хүрэл медаль, мөнгөн шагналаар, 4-8 дугаар байрт шалгарсан тамирчдыг дурсгалын медаль, мөнгөн шагнал, өргөмжлөлөөр шагнана.

10000 метрийн зайн гүйлтийн  шагнал:            

5000 метрийн  зайн  гүйлтийн  шагнал:            

Автомашинаар:  Гүйлтийн замын план зургаар гудамж, замыг хаасан бүдүүвчийг бодолцоорой. 

Гараа, Бариа нь Чингис хааны талбайн Дуурь бүжгийн эрдмийн театрын баруун хойд өнцөгт байрлана.