Хайх зүйлээ бичнэ үү

2 мин

Алисагийн тэмдэглэл: Шинэ он гарсан шөнийн гайхамшиг буюу биднийг хүлээж буй 21 зүйл


1. Амьдрал үргэлжилсээр буйд талархаж байна. Учир нь энэ бол тэр чигтээ шинэ адал явдал.

2. Хайртай, намайг анхаардаг, надад чухал, намайг санадаг хүмүүс байдаг гэдгийг би улам их мэдэрнэ.

3. Шинэ он надад ямар зүйлс бэлдсэнийг тааж мэдэшгүй. Гэхдээ ийм нууцлаг байгаа нь л бидний амьдралыг илүү амттай болгодог. Тиймээс юу ч байсан, өөрийгөө бэлдэнэ.

4. Би олон шинэ гоё кино үзнэ. Тэсэн ядан хүлээж байсан тэр кинонуудаа том дэлгэцээр үзнэ гэж бодохоор сэтгэл догдолдог.

5. Илүү их гайхалтай хөгжим сонсоно. Олон шинэ дуунууд, уран бүтээлчдийг олж нээнэ.

6. Бороо орно. Борооны дуслах чимээг мэдэрч, бодолд автан зогсоно гэхээр сэтгэл хөдөлж байна.

7. Хэцүү зүйлстэй нүүр тулна. Гэхдээ нэг л мэдэхэд би даваад гарсан байна.

8. Үүрээр сэрээд мандах нарыг харна. Би хэзээ хэзээнээсээ илүү амьд гэдгээ мэдэрнэ.

9. Олон шинэ газраар аялж үзнэ. Шинэ сорилт, шинэ соёл, шинэ мэдрэмжүүд намайг уйдах завгүй болгоно.

10. Өөрийгөө илүү их эрхлүүлнэ. Өөртэйгөө байх цагийг гаргаж, таатай санагддаг зүйлсээ хийнэ.

11. Би хайрыг мэдэрнэ. Илүү ихээр, илүү талархалтайгаар.

12. Нар жаргахыг харна. Дулаан илчийг нь арьсандаа шингээж, уртаар амьсгал авна. Тайтгарна...

13. Гоё ном уншина. Нэг л мэдэхэд би өөр цаг хугацаа, ертөнцөд аялж байх болно. 

14. Би тэврэлтийг мэдэрнэ. Дулаан, дотно, хүч өгсөн, сэтгэл дэвтээсэн... 

15. Ирэх жилийн намар болж навчис шарлахад би мод ихтэй газраар алхаж байх болно. Хорвоо ертөнц уран зураг шиг, амьдрал бодит гэхэд дэндүү үзэсгэлэнтэй санагдана. 

16. Би тэнэгхэн найзуудтайгаа илүү олон мангар зүйл хийнэ. 

17. Гэр бүлээ илүү их инээхийг харна. Хамтдаа хийж үзээгүй зүйлсээ хийнэ.

18. Би хүсэж мөрөөдөж байсан зүйлээ авна. Ямар удаан хүсэж мөрөөдлөө дөө...

19. Би танихгүй хүмүүстэй ч жаргалтайгаар мэндэлдэг, сайхан мэдрэмж өгдөг хүн гэдгээрээ бахархана. Бүх хүний харилцаа илүү дулаан, ойр болно. Учир нь би өөрөөсөө тийм зүйлийг эхлүүлж байгаа болохоор.

20. Мод тарина. Бясалгал хийнэ. Байгальтай илүү ойр байх болно.

21. Амьдралыг би өдөр болгон гуниг зовлонтой нь, ганцаардал дутагдалтай нь ч хайрлана. Учир нь надад үзэж харах, мэдрэх зүйл маш их байна. Би бүгдийг нь олж мэдэхээр шунаж байна.

Хамгийн их уншилттай
1
2024.03.17
“Монгол түйрэн” маргааш ирнэ гэж БНСУ-д анхааруулав
2
2024.03.09
Миягино дэвжээг хаах шийдвэр гарчээ
3
2024.03.11
“Оскар”-ын түүхэн дэх 13 эвгүй явдал
холбоотой мэдээ
1
2024.03.20
Алисагийн тэмдэглэл: Хайрын тухай янз бүрийн мэдрэмжийг зүрхэнд сийлэх 8 дуу
2
2024.03.20
Охидын яриа: Сарын тэмдэг чинь ирэх гэж буйг илтгэх 7 шинж & мэдэх ёстой бүх зүйл
3
2024.03.13
Алисагийн тэмдэглэл: Романтик харилцаанаас туйлдах мэдрэмжийн тухай
санал болгох
1
1 цагийн өмнө
Таны ордыг илэрхийлэх кинонууд: Melancholia, Suspiria, Bande à Part
2
2 цагийн өмнө
Өнөө цагийн сэтгэл татам жүжигчдийн нэг Сидней Свинигийн тухай 19 баримт
3
6 цагийн өмнө
Рөүзийг амьд үлдээсэн Титаникийн "хаалга" 718,750 доллараар зарагджээ

Энэ мэдээнд өгөх таны сэтгэгдэл?
0
0
8
0
0
0
1
0

Сэтгэгдэл бичих (3)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Zulaa 2023.01.09 192.82.64.248

mmdada sonsoj baigaa duu, hoshignii zavsraar tusah narnii gerelei hamt goy niitlel unshlaa. Bayrlalaa alice. Amidral urgeljilj unuudur irj, sain ni muugaasaa olon olnoor amidral urgeljilseer baigaad talarhaj baina. Chi iluu ihiig hurteh erhtei gej itguulsend bayrlalaaa <3. Neg naiz maani ub life goy mortloo heterhii hiisver ym ih bichdeg te gj helj bsiin, ghdee tegj tosoolj, dogdolj baij l amidral iluu amttai boldog bolohoor tanaihiig urgelj unshdag gedgee medlee. Unjiidaa ub life iinhaan zurh zurh. Shine onii mend. Aa bas uulzaltaa hiiyldaa alice

0 Хариулах


Доогий???? 2023.01.07 202.21.109.39

Анхзаяадаа эгчдээ маш их баярлалаа. Шинэ оны урам зоригоо сэлбэлэээ????

0 Хариулах


Зочин 2023.01.01 66.181.161.57

Хайртай шүү Arisu - Alice. Гэр бүлд нь аз жаргал хүсье!

0 Хариулах