Тэйлор Свифт саяхан өөрийн найз залуу Жоэ Алвинаас салж шуугиан тариад авсан. Харин The Sun болон Page Six сайтуудын мэдээлж буйгаар тэрээр The 1975 хамтлагийн дуучин 34 настай Мэтти Хилитэй үерхэж эхэлсэн гэнэ. Тэд үерхээд хоёр сар л болж байгаа боловч нэг нэгэндээ ухаангүй хайртай, бас хором ч холдож чадахгүй байгаа тухай эх сурвалж мэдээлжээ.
Тэд бараг 10 жилийн өмнө хэсэгхэн хугацаанд уулзаж байсан ч тэдний хувьд цаг нь таараагүй учрал байсан бөгөөд одоо тэд хамтдаа үнэхээр жаргалтай байгаа тухай мөн мэдээлжээ.
Тэйлор Свифт хуучин найз залуугаасаа салж буй тухай мэдээлэл өнгөрсөн сард гарсан ч тэд хоёрдугаар сард хэдийнээ харилцаагаа зогсоосон байсан гэнэ. Тиймээс Тэйлор хэн нэгэнтэй давхар үерхээгүй болохыг баталж байгаа аж.
Тэдний аль аль нь аялан тоглолтоор явж байгаа бөгөөд бие биетэйгээ уулзахыг тэсэн ядан хүлээж байгаа гэнэ.
