Өнгөрөгч долоо хоногт Монгол улсад ирж үзүүлбэрүүдээ үзүүлсэн ОХУ-ын шилдэг уран гулгагчдын тухай мэдээлэл Sports.ru сайт дээр гарчээ.
Нэрт уран гулгагчид болох Елизавета Туктамышева, Дмитрий Алиев болон Марк Кондратюк нар Улаанбаатар хотод дэлгүүр хэсэн явж буй зургууд олон нийтийн сүлжээнд тавигдаж, маш их хандалт авсан байна.
"Биднийг халуун дотноор угтан авсан Монголчуудад баярлалаа. Дахин дахин баярлалаа" хэмээн уран гулгагч Дмитрий Алиев зургууд дээрээ тайлбар бичжээ.
Мөн уран гулгагч Марк Кондратюк "Дотноор хүлээн авсанд маш их баярлалаа. Үнэхээр сайхан аялал байлаа. Бас Монголын гайхалтай үзэгчдэд баярлалаа! Удахгүй илүү олон зураг оруулна аа" хэмээн бичжээ.
Тус зургууд нь Telegram сайт дээр тавигдсан бөгөөд хүмүүс "Ямар загварлаг гоё малгай вэ? Би ч гэсэн авмаар байна", "Монгол хувцас зохиж байна", "Гоё тоглолт болсон байх даа" зэрэг олон эерэг сэтгэгдэл үлдээсэн байлаа.
