Их Британийн Төв номын сан нь 170 сая гаруй урлагийн бүтээл, эд өлгийн цуглуулгатай дэлхийн хамгийн том номын сан юм. Тус номын сангийн хамт олон сүүлийн хорин жилийн турш хүн төрөлхтний урлагийн бүтээлийг цахим хэлбэрт хадгалан архивжуулахаар ажиллаж, энэхүү төслийнхөө хүрээнд 17-19-р зууны үед хамаарах сая гаруй зураг, 65 мянга гаруй бичвэр бүхий бүтээлийг олон нийтэд нээлттэй байршуулжээ.
Үүнд түүхэн гэрэл зураг, уран зураг, газрын зураг, геологийн диаграмм, хошин зураг, гоёл чимгийн зураг, ханын зураг гэх мэт олон төрлийн урлагийн бүтээлүүд багтах аж.
Зургуудыг номын зураг, хүүхдийн номын зураг, бодит үзэсгэлэнгийн зураг, зар сурталчилгаа, байгаль нутаг, гар бичмэл, комик , технологи гэх мэт олон төрлөөр ч ангилж болно.
Их Британийн номын сан өөрсдийн Flickr хуудастаа бүтээлүүдээ хүссэн хэн бүхэн татан авах боломжтойгоор нээлттэй байршуулсан нь урлагт хайртай, сонирхогчдын талархлыг хүлээгээд байна.
Эх сурвалж: flickr.com
