1 мин

“Дамблдор” буюу жүжигчин Майкл Гэмбон 82 насандаа таалал төгсжээ

Г.Сүрэн 2023.09.29 1

Үе үеийн хүүхэд багачууд төдийгүй томчуудын ч хайртай бүтээл гэгддэг алдарт “Харри Поттер” цувралын зургаан ангид Дамблдорын дүрийг чадварлаг бүтээсэн Ирландын жүжигчин Майкл Гэмбон 82 насандаа нас баржээ.

”People” сэтгүүлийн мэдээлснээр тэрээр уушигны хатгалгааны улмаас хүндээр өвдөж эмнэлэгт хайртай дотны хүмүүсээрээ хүрээлүүлэн амар амгалан нойрссон байна. Түүний эхнэр “Бидний хайртай нөхөр, аав, олны хайртай эрхэм нас барсан тухай дуулгах хүнд байна“ хэмээн мэдээлжээ. 

Майкл Гэмбон нь 1940 онд төрсөн, 1960 оноос жүжигчний карьераа амжилттай эхлүүлэн Их Британийн Үндэсний театрт ажиллаж, 1992 оноос дэлгэцийн уран бүтээлүүдэд дүрээ мөнхлөх болжээ. Тэрээр 2004-2011 оны хооронд “Харри Поттер” найман ангит киноны зургаад нь Дамблдорын дүрийг бүтээсэн юм. 

Г.Сүрэн 2023.09.29