Японы шинэхэн хөвгүүдийн хамтлаг олны анхаарлыг татаж байна. JI-POP гэх уг хамтлагийг 65 ба түүнээс дээш насны эрчүүд сонирхлоороо нийлэн байгуулсан бөгөөд хамтлагийн нэр "өвөө нар", "хөгшчүүд" гэх утгатай гэнэ.
Тус хамтлаг нь анх 2016 онд "Hooray for Old Age" дуугаараа дебют хийж байсан ч энэ оноос улам бүр олны анхаарлыг татан уран бүтээлээ туурвих болжээ. Хамтлагийн хамгийн залуу гишүүн 65 настай бол хамгийн ахмад нь 82 настай аж. Гишүүд залуудаа дуу хөгжимд сонирхолтой байсан ч хэн нь ч уран бүтээл болгож чадаагүй тул хүсэл сонирхлоороо нэгдэн хамтлаг байгуулжээ.
Хамтлагийн ахлагч, 67 настай дуучин Норихиро Таниока "Хүмүүс биднийг хөгшчүүд гэж хараад дуу хөгжмийг минь үл тоогоосой гэж хүсэхгүй байна. Хөгширсөн нь үнэн ч зүгээр суулгүй амьдралаас мэдэрч болох гайхалтай зүйлсийг мэдэрч, дуугаараа хүмүүст хүргэхийг хүссэн учраас бид хамтлагаа байгуулсан" гэжээ.
Эх сурвалж: Yahoo.news
