Шинэ долоо хоногийн мэнд хүргэе! Гадаа жихүүн салхи үлээж, өвлийн хүйт орсон ч сэтгэл зүрхэн дэх дулаанаа хэзээ ч бүү алдаарай. Ингээд та бүхэндээ энэ долоо хоногт зарлагдсан шинэхэн эвент, хөгжмийн тоглолт, төрөл бүрийн бүтээлч өдөрлөгүүдийг хүргэе!
Сэрүүхэн өдрүүд биднийг хүлээж байгаа тул малгай ороолт, дулаан хувцсаа заавал өмсөөрэй
Товчоогийн "Бүүвэйл хорвоо" тоглолт таныг монголын уламжлалт аялгууг орчин үеийн хөгжмийн элементүүдтэй хослуулсан сэтгэл татам, уянгын үлгэрийн ертөнцөд урьж байна. Дуу хуураар аялж, сэтгэл хөдлөлөө хуваалцах нэгэн үдшийг тэдэнтэй хамт өнгөрүүлээрэй.
Хэзээ: 11 сарын 4-6
Хаана: Fat Cat Jazz Club
Тасалбарын үнэ: 40000 төгрөг
ШЕЛКУНЧИК ''Цөмөгч цэрэг ба Хулганы хаан"
Э.Т.А.Гофманы үлгэр болон П.И.Чайковскскийгийн хөгжмөөс PRO THEATRE- н залуу уран бүтээлчид сэдэвлэн хүүхэлдэйн театр, сүүдрийн театр, драмын театрын олон жанруудыг ашиглан орчин үеийн үзэгч багачуудад хүргэж байгаа аж.
Хэзээ: 11 сарын 9
Хаана: РЦНК
Тасалбарын үнэ: 30000-50000 төгрөг
Францын дуучин Эдит Пиафын тухай, түүний амьдрал уналт, босолт, хайр сэтгэлийн ээдрээт асуудлуудтай нүүр тулж нэгэн үдшийг сонгодог урлагаар амьсгалж өнгөрүүлээрэй.
Хэзээ: 11 сарын 8
Хаана: On'n Off Production House
Тасалбарын үнэ: 100000-200000 төгрөг
Найруулга 2024– Э.Чойдог- Монголын сайхан орон чуулбар
Монгол Улсын Консерваторын "Цохивор хөгжмийн чуулга" нь жил бүр шинэ уран бүтээлийн тоглолтоо "Найруулга" нэрэн дор хүргэдэг билээ. Тэгвэл энэ удаагийн тоглолтоор “Mongolia, The Land of Beauty” by Choidog Eregzen цахим цомгийн нээлтийг зохион байгуулж, үзэгчдэд толилуулж байна.
Хэзээ: 11 сарын 5
Хаана: Улсын филармони
Тасалбарын үнэ: 50000 төгрөг
"Намайг дурсаарай Коко" хүүхдийн жүжиг
Дуу хөгжим, өнгө будгаар дүүрэн “Коко” хүүхэлдэйн киног та санаж байна уу? Тэгвэл тэднийг хажуугаас нь Улаанбаатар театрын тайзнаас харах боломжтой болжээ. Хүүхэд багачуудад зориулсан тус жүжгийг Маппет хүүхэлдэйн театраас тоглож байгаа аж.
Хэзээ: 11 сарын 10, 17, 24
Хаана: Улаанбаатар театр
Тасалбарын үнэ: 20000 төгрөг
АНУ-ын Ерөнхийлөгчийн сонгууль болоход ганцхан хоног үлджээ. Трамп хоёр дахь удаагаа сонгогдох уу эсвэл АНУ анх удаа эмэгтэй ерөнхийлөгчтэй болох уу гэдэг асуултын хариултыг бид энэ лхагва гарагт мэдэх болно.
Хэзээ: 11 сарын 6
Хаана: Central Tower 17-р давхарт
Тасалбарын үнэ: Үнэгүй
