Америкийн уран зураач Elizabeth Peyton-ын 1996 онд бүтээсэн “Liam+Noel (Gallagher)” нэртэй хөрөг London‑д арваннэгдүгээр сарын 24‑нд болох Sotheby’s “Modern&Contemporary Evening Auction”-нд дуудлага худалдаанд тавигдахаар болжээ.
Энэхүү бүтээлийг дуудлага худалдаанд £1.5–2 сая (ойролцоогоор $2.03–2.71 сая) үнэлгээтэйгээр оруулаад байгаа юм.
Хөрөг нь 1995 онд Stefan De Batselier-ийн авсан зураг дээр суурилан бүтээгдсэн ба дэлхий дахинаа алдартай Oasis хамтлагийн ах дүүсийн дотно агшинг дүрсэлжээ.
Энэхүү хөрөг урлагийн зах зээл дээр Picasso, Basquiat, Lichtenstein зэрэг бусад агуу уран бүтээлчдийн хамтаар нэрлэгдэж байгаа бөгөөд өндөр үнэ цэнийг харуулаад байна.
Oasis-ийн Live ’25 tour тоглолт 2025 оны долдугаар сарын 4-нд Кардифф (Principality Stadium)–аас эхлэн Лондон, Манчестер, Эдинбург, Дублин, Их Британи, Ирланд даяар 17 тоглолт зохион байгуулахаар төлөвлөгдөөд байгаа юм.
Харин дараа нь тэд Хойд Америк (Торонто, Чикаго, Нью Жерси, Лос Анжелес, Мексико Сити)-д 9 тоглолт, Ази, Австрали, Өмнөд Америкт нийт 41 тоглолт хийж, арваннэгдүгээр сарын 23-нд Сан-Паулодоор дуусгах аж..
Мэдээж тасалбарын хувьд Лондон, Австрали, АНУ‑ын тоглолтууд аль хэдийн “sold out” болжээ. Энэхүү тоглолт нь 2009 оноос хойших анхны эргэн ирэлт тул фенүүдийн хувьд асар их хүлээлт дагуулж байгаа нь гарцаагүй.
