Жил бүрийн 8-р сарын 26-нд бид дэлхий даяар нохойнуудыг баярлуулж, тэдний хүний амьдралд гүйцэтгэж буй онцгой үүргийг тэмдэглэдэг билээ. Тэд бол зөвхөн гэрийн тэжээвэр амьтан биш, харин хамгийн үнэнч анд, хамгаалагч, гэр бүлийн гишүүн билээ.
Нохой бидэнд юу өгдөг вэ?
Үнэнч нөхөрлөл
Нохой бол хүний хамгийн үнэнч анд. Тэд баяр жаргал, уйтгар гуниг аль ч үед эзнийхээ хажууд байж, хэзээ ч урвахгүй. Ажилдаа ядарч ирэхэд сүүлээ шарван угтах тэр мөчөөс илүү дулаан зүйл үгүй.
Аз жаргал
Энгийнхэн атлаа гайхалтай жижигхэн үйлдэл нь, ганцхан сүүлээ шарвах, хамраараа илбэх, эсвэл хөгжилтэйгээр үсрэн гүйх нь бидний өдрийг шууд гэрэлтүүлдэг. Нохойтойгоо хамт байхдаа хүн бүр өөрийн эрхгүй инээмсэглэдэг.
Хайр халамж
Тэд үгээр биш үйлдлээрээ хайр халамжаа илэрхийлдэг. Харцаараа мэдрүүлэх, толгойгоо мөрөн дээр тавих, эсвэл зүгээр л дэргэд суух нь “Би чамайг хайрлаж байна” гэсэн хамгийн энгийн атлаа хүчтэй илэрхийлэл юм. Нохой бидэнд нөхцөлгүй хайрыг мэдрүүлдэг.
Аюулгүй байдал
Нохой бол байгалиасаа хамгаалагч. Тэд эзнээ сахиж, хэн нэгэн ойртсоноос эхлээд л сэрэмжлүүлдэг. Том нохой байхаас үл хамааран жижигхэн нохой хүртэл гэр бүлээ хамгаалах зүрх зоригтой. Тэдний дэргэд бид өөрийн эрхгүй тайван, аюулгүй байдлыг мэдэрдэг.
Яагаад International Dog Day чухал вэ?
Энэ өдөр бид:
Хоргодох байранд байгаа нохойнд гэр бүл болж өгөх,
Нохойгоо илүү халамжлах, хамтдаа тоглох,
Амьтны эрхийн тухай анхаарал хандуулж, бусдад уриалах боломжтой.
Та яаж тэмдэглэх вэ?
Нохойгоо амттангаар шагнах
Хамтдаа алхахаар гарч, шинэ дурсамж бүтээх
Сошиалд нохойн зургаа #InternationalDogDay хаштагтайгаар хуваалцах
Тусламж хэрэгтэй амьтанд хандив өргөж, тусламжийн гараа сунгах
