Цахим спортын CS2 төрлийн “The Huns” баг Азийн бүсийн сонгон шалгаруулалтад ялж, “PGL Bucharest 2026” тэмцээнд оролцох эрх авсан. Гэвч тус тэмцээнд оролцохоос татгалзжээ.
Тэмцээний зохион байгуулагчдын албан ёсны X хуудсанд энэ талаар мэдээлэл гарч, манай багийн оронд Хойд Америкийн сонгон шалгаруултад хоёрдугаар байр эзэлсэн “Wildcard” оролцох болжээ. Харин “The Huns” баг ямар шалтгаанаар татгалзсаныг мэдээлсэнгүй.
“PGL Bucharest 2026” тэмцээн дөрөвдүгээр сарын 4-11-нд Румыний нийслэл Бухарест хотод явагдана. Шагналын сан 1,25 сая ам.доллар.
