Засгийн газрын ээлжит хуралдаанаар Эрчим хүчний үйлдвэр, компаниудын 2026-2027 оны өвөлжилтийн бэлтгэл хангах ажлын хүрээнд ДЦС-уудын үндсэн болон туслах тоноглолын засвар, шинэчлэлийн ажилд шаардлагатай хөрөнгийг ЗГ-ын нөөц сангаас гүйцэтгэлээр санхүүжүүлэхээр боллоо.
Дулааны цахилгаан станцуудын үндсэн тоноглол өнөөдрийн байдлаар 69 зуухнаас ажилд 39, бэлтгэлд 20 байгаа бөгөөд 10 зууханд засварын ажил хийгдэж байна. 49 турбогенератороос ажилд 34, бэлтгэлд 8 байгаа бөгөөд долоон турбогенераторт засварын ажил хийгдэж, системийн горим ажиллагаа хэвийн байгааг салбарын сайд Б.Найдалаа танилцууллаа.
